ഓടി കൊണ്ടിരുന്ന കാറിൻ്റെ ഹെഡ്ലൈറ്റ് കത്തി നശിച്ചു; അപകടം വൈകീട്ട് എട്ടിന് കാട്ടൂർ റോഡിൽ
ഇരിങ്ങാലക്കുട : ഓടി കൊണ്ടിരുന്ന കാറിൻ്റെ ഹെഡ്ലൈറ്റ് കത്തി നശിച്ചു. ഇരിങ്ങാലക്കുട – കാട്ടൂർ റോഡിൽ വൈകീട്ട് എട്ട് മണിയോടെ ആയിരുന്നു അപകടം. അതിരപ്പിള്ളിയിൽ നിന്നും മടങ്ങുകയായിരുന്ന എങ്ങണ്ടിയൂർ കുറ്റിക്കാട് വീട്ടിൽ റെജിൻ്റെ വണ്ടിയാണ് അപകടത്തിൽ പെട്ടത്. കാറിൻ്റെ മുൻവശത്ത് നിന്ന് പുക ഉയരുന്നത് കണ്ട് എതിരെ നിന്ന് വന്ന യാത്രികർ അറിയിച്ചതിനെ തുടർന്ന് റെജിൻ കാർ നിർത്തുകയായിരുന്നു. ഓടിയെത്തിയ പരിസരവാസികളാണ് തീ അണച്ചത്. വിവരമറിയച്ചതിനെ തുടർന്ന് ഇരിങ്ങാലക്കുട ഫയർ ഫോഴ്സ് യൂണിറ്റ് സ്ഥലത്ത് എത്തി വണ്ടി പരിശോധിച്ചു. ഷോർട്ട് സർക്യൂട്ടാണ് അപകട കാരണമെന്നാണ് നിഗമനം. ഹെഡ് ലൈറ്റും വയറുകളും കത്തി നശിച്ചിട്ടുണ്ട്.
Please follow and like us:
