എംഡിഎംഎ വിതരണക്കാരനായ പുത്തൂർ സ്വദേശി അറസ്റ്റിൽ ; പിടിയിലായത് തേലപ്പിള്ളിയിൽ എംഡിഎംഎ സഹിതം യുവാവിനെ പിടികൂടിയ കേസിൻ്റെ അന്വേഷണത്തിനൊടുവിൽ…
ഇരിങ്ങാലക്കുട : മാരക ലഹരി മരുന്നായ എംഡിഎംഎ യുടെ വിതരണക്കാരൻ അറസ്റ്റിൽ . പുത്തൂർ കൈനൂർ കാങ്കാളൻ വീട്ടിൽ ജ്യോതിഷ് (24)നെയാണ് പ്രത്യേക അന്വേഷണ സംഘം പിടികൂടിയത്. തേലപ്പള്ളിയിൽ നിന്നും 20 ഗ്രാം എംഡിഎംഎ യും മോട്ടോർ സൈക്കിളും സഹിതം ശ്യാം എന്ന യുവാവിനെ പിടികൂടിയ കേസുമായി ബന്ധപ്പെട്ട് നടത്തിയ അന്വേഷണത്തിലാണ് ഇയാൾ പിടിയിലായത്.തൃശ്ശൂർ റൂറൽ ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് തൃശ്ശൂർ റൂറൽ ഡാൻസാഫ് സംഘവും ഇരിങ്ങാലക്കുട പോലീസും സംയുക്തമായി നടത്തിയ അന്വേഷണത്തിലാണ് പ്രതി അറസ്റ്റിലായത്.
തൃശ്ശൂർ റൂറൽ ജില്ലാ പോലീസ് മേധാവി നവനീത് ശർമ്മ ഐപിഎസ് ൻ്റെ നിർദേശ പ്രകാരം ജില്ലാ സ്പെഷ്യൽ ബ്രാഞ്ച് ഡിവൈഎസ്പി. ഉല്ലാസ് കുമാർ, ഇരിങ്ങാലക്കുട ഡിവൈഎസ്പി, കെ ജി .സുരേഷ് എന്നിവരുടെ നേതൃത്വത്തിൽ ഉദ്യോഗസ്ഥരായ അജിത്, സതീശൻ ജയകൃഷ്ണൻ പി, ഷൈൻ. ടി ആർ,സൂരജ്.വി.ദേവ്, സോണി. പി എക്സ്,ഷിൻ്റോ കെ ജെ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
