ഭക്തിസാന്ദ്രമായി ശ്രീകൂടൽമാണിക്യം ക്ഷേത്രത്തിലെ ആനയൂട്ട്.
ഇരിങ്ങാലക്കുട : ഭക്തിസാന്ദ്രമായി ഇരിങ്ങാലക്കുട ശ്രീ കൂടൽമാണിക്യം ക്ഷേത്രത്തിലെ ആനയൂട്ട്. കൊട്ടിലാക്കൽ ഗണപതി ക്ഷേത്രത്തിന് മുന്നിൽ രാവിലെ നടന്ന ആനയൂട്ട് ചോറുരുള നൽകി ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്തു. ദേവസ്വം ചെയർമാൻ അഡ്വ സി കെ ഗോപി, ഭരണ സമിതി അംഗങ്ങളായ രാഘവൻ മുളങ്ങാടൻ, മുരളി ഹരിതം , ഗോവിന്ദൻ നമ്പൂതിരിപ്പാട്, അഡ്വ കെ ജി അജയകുമാർ, കെ ബിന്ദു തുടങ്ങിയവർ പങ്കെടുത്തു. ചിങ്ങം ഒന്നിനാണ് ക്ഷേത്രത്തിൽ ആനയൂട്ട് നടത്താറുള്ളത്. വയനാട് ദുരന്തത്തിൻ്റെ പശ്ചാത്തലത്തിൽ ആർഭാടങ്ങൾ ഒഴിവാക്കിയായിരുന്നു ചടങ്ങുകൾ. പതിനൊന്ന് ആനകളാണ് എത്തിയത്.
Please follow and like us:
