ഇരിങ്ങാലക്കുട ടൗൺ ലയൺസ് ക്ലബിൻ്റെ നേതൃത്വത്തിൽ ഓണം എക്സിബിഷൻ ആഗസ്റ്റ് 15 ന്…
ഇരിങ്ങാലക്കുട : ഇരിങ്ങാലക്കുട ടൗൺ ലയൺസ് ക്ലബിൻ്റെ നേതൃത്വത്തിൽ ആഗസ്റ്റ് 15 ന് ഓണം എക്സിബിഷൻ നടത്തുന്നു. അമ്പിളി ജ്വല്ലറി, ചാലക്കുടി കേന്ദ്രീകരിച്ച് പ്രവർത്തിക്കുന്ന താമര സംഘടന എന്നിവയുമായി സഹകരിച്ച് വ്യാപാരഭവൻ ഹാളിൽ രാവിലെ 10 മുതൽ രാത്രി 9 മണി വരെ നടക്കുന്ന എക്സിബിഷനിൽ അമ്പതോളം സ്റ്റാളുകൾ ഉണ്ടായിരിക്കുമെന്ന് ക്ലബ് പ്രസിഡണ്ട് ഹാരീഷ് പോൾ, പോഗ്രാം ഡയറക്ടർ ജെൻസൻ ഫ്രാൻസിസ് എന്നിവർ പത്ര സമ്മേളനത്തിൽ അറിയിച്ചു. എക്സിബിഷനിൽ നിന്നും കിട്ടുന്ന മുഴുവൻ തുകയും ജീവകാരുണ്യ പ്രവർത്തനങ്ങൾക്കായി ചിലവഴിക്കാനാണ് ലക്ഷ്യമിടുന്നത്. സെക്രട്ടറി ഡയസ് ജോണി, വൈസ്- പ്രസിഡണ്ട് സോണി സേവ്യർ, താമരയുടെ പ്രവർത്തകരായ സുയി, ടീന എന്നിവരും പത്രസമ്മേളനത്തിൽ പങ്കെടുത്തു.
Please follow and like us:
