ഷിവൽറി റിക്രിയേഷൻ ക്ലബിൻ്റെ ആഭിമുഖ്യത്തിൽ ആഗസ്റ്റ് 15 ന് നഗരസഭ പരിധിയിലെ സ്കൂൾ വിദ്യാർഥികൾക്കായി നിമിഷ പ്രസംഗ മൽസരം
ഇരിങ്ങാലക്കുട : സ്വാതന്ത്ര്യദിനാഘോഷങ്ങളുടെ ഭാഗമായി ഇരിങ്ങാലക്കുട ശാന്തിനഗർ കേന്ദ്രീകരിച്ച് പ്രവർത്തിക്കുന്ന ഷിവൽറി റിക്രിയേഷൻ ക്ലബിൻ്റെ ആഭിമുഖ്യത്തിൽ നിമിഷ പ്രസംഗമൽസരം നടത്തുന്നു. ആഗസ്റ്റ് 15 ന് രണ്ട് മണിക്ക് ക്ലബ് പരിസരത്ത് നടക്കുന്ന മൽസരത്തിൽ നഗരസഭ പരിധിയിൽ ഉൾപ്പെടുന്ന എല്ലാ സ്കൂളുകളിലെയും യു, പി, ഹൈസ്കൂൾ, പ്ലസ് വൺ, പ്ലസ് ടു വിഭാഗങ്ങളിൽ ഉൾപ്പെടുന്ന കുട്ടികൾക്ക് പങ്കെടുക്കാമെന്ന് വാർഡ് കൗൺസിലർ സിജു യോഹന്നാൻ, ക്ലബ് പ്രസിഡന്റ് പ്രൊഫ ബേബി ജോൺ സി എൽ, സെക്രട്ടറി ബാബു വി എസ് എന്നിവർ പത്ര സമ്മേളനത്തിൽ അറിയിച്ചു. മാതൃഭാഷയിൽ നടക്കുന്ന മൽസരത്തിലെ വിജയികൾക്ക് ക്യാഷ് അവാർഡുകളും ട്രോഫികളും നൽകും. ആഗസ്റ്റ് 10 ന് മുമ്പായി അപേക്ഷകൾ നൽകണമെന്നും പങ്കെടുക്കുന്നവർ 9846819620, 9847717499 എന്നീ നമ്പരുകളിൽ വാട്ട്സ് ആപ്പ് ചെയ്യണമെന്നും സംഘാടകർ അറിയിച്ചു. ക്ലബ് ഭാരവാഹികളായ പ്രൊ ആൻ്റണി കരിക്കാപ്പിള്ളി, ഡേവിസ് പാച്ചൻ, ആൻ്റണി ആലുക്ക എന്നിവരും പത്ര സമ്മേളനത്തിൽ പങ്കെടുത്തു.
