ഭക്തിസാന്ദ്രമായി കൂടൽമാണിക്യം ക്ഷേത്രത്തിലെ ഇല്ലംനിറ ആഘോഷം…
ഇരിങ്ങാലക്കുട : ഭക്തിസാന്ദ്രമായി ഇരിങ്ങാലക്കുട ശ്രീ കൂടൽമാണിക്യം ക്ഷേത്രത്തിലെ ഇല്ലംനിറ ആഘോഷം.രാവിലെ 8.45 മുതൽ 10. 45 വരെയായിരുന്നു തന്ത്രി നകരമണ്ണ് ഋഷികേശ് നമ്പൂതിരിയുടെ നേതൃത്വത്തിൽ ചടങ്ങുകൾ. ദേവസ്വത്തിൻ്റെ സ്വന്തം കൃഷിഭൂമിയിൽ നിന്നും കൊയ്തെടുത്ത കതിരുകളാണ് ഇല്ലം നിറയ്ക്കായി ഉപയോഗിച്ചത്. നെൽക്കതിരുകൾ ക്ഷേത്രത്തിൻ്റെ കിഴക്കേ ഗോപുരത്തിൽ നിന്നും തന്ത്രി, കീഴ്ശാന്തിമാർ എന്നിവർ ശിരസിലേറ്റി നാദസ്വരത്തിൻ്റെ അകമ്പടിയോടെ മണ്ഡപത്തിലേക്ക് എഴുന്നള്ളിച്ചു. പൂജിച്ച നെൽക്കതിരുകൾ സമർപ്പിച്ച ശേഷം ഭക്തജനങ്ങൾക്ക് പ്രസാദമായി വിതരണം ചെയ്തു. ദേവസ്വത്തിൻ്റെ കീഴേടമായ അയ്യങ്കാവ് ഭഗവതി ക്ഷേത്രം, അവിട്ടത്തൂർ ശിവക്ഷേത്രം എന്നിവടങ്ങളിലും ഇല്ലം നിറ ചടങ്ങുകൾ നടന്നു.
Please follow and like us:
