വയനാട് ദുരന്തം; സഹായവുമായി മാധ്യമപ്രവർത്തകനും; കൈമാറിയത് പങ്കാളിത്ത പെൻഷനിൽ നിന്നും ലഭിച്ച മൂന്ന് മാസത്തെ പെൻഷൻ തുക…
ഇരിങ്ങാലക്കുട :മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് പങ്കാളിത്ത പെൻഷനിൽ നിന്നും ലഭിക്കുന്ന മൂന്ന് മാസത്തെ പെൻഷൻ തുക മാധ്യമ പ്രവർത്തകനും കെഎസ്ഇ ലിമിറ്റഡ് കമ്പനിയിലെ മുൻ ജീവനക്കാരനുമായ ഇരിങ്ങാലക്കുട തെക്കേ അങ്ങാടി മാമ്പിള്ളി വീട്ടിൽ ജോസ് മാമ്പിള്ളി കൈമാറി. ക്രൈസ്റ്റ് കോളേജിൽ നടന്ന തവനീഷ് ദുരിതാശ്വാസ ചടങ്ങിൽ വച്ച് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദുവിന് കാത്തലിക് സിറിയൻ ബാങ്കിന്റെ ചെക്ക് കൈമാറുകയായിരുന്നു. 2018 ലെ പ്രളയകാലത്തും പിന്നീട് കോവിഡ് മഹാമാരിക്കാലത്തും സേവന പ്രവർത്തനങ്ങളുമായി സജീവമായി ഉണ്ടായിരുന്നു. 34 വർഷത്തെ സേവനത്തിന് ശേഷമാണ് കെഎസ്ഇ ലിമിറ്റഡ് കമ്പനിയിൽ നിന്നും ജോസ് മാമ്പിള്ളി വിരമിച്ചത്.
Please follow and like us:
