49-മത് ക്രൈസ്റ്റ് ഇന്റർകൊളീജിയേറ്റ് വോളിബോൾ ടൂർണമെന്റ്; മാവേലിക്കര ബിഷപ്പ് മൂർ കോളേജ് ജേതാക്കൾ…
ഇരിങ്ങാലക്കുട : 49 – മത് ക്രൈസ്റ്റ് കോളേജ് ഇൻ്റർ കൊളീജിയേറ്റ് ഒഎസ്എ വോളിബോൾ ടൂർണ്ണമെൻ്റിൽ മാവേലിക്കര ബിഷപ്പ് മൂർ കോളേജ് ജേതാക്കളായി. അഞ്ച് സെറ്റ് നീണ്ട ആവേശകരമായ ഫൈനൽ മൽസരത്തിൽ 3 – 2 എന്ന സ്കോറിന് ആതിഥേരായ ക്രൈസ്റ്റ് കോളേജിനെ ബിഷപ്പ് മൂർ കോളേജ് പരാജയപ്പെടുത്തി. മൂന്നും നാലും സ്ഥാനങ്ങൾ അരുവിത്തറ സെന്റ് ജോർജ്ജും മട്ടന്നൂർ പിആർഎൻഎസ്എസ് കോളേജും നേടി. മികച്ച കളിക്കാരനായി ക്രൈസ്റ്റിലെ മിഷബും ഓൾ റൗണ്ടറായി ബിഷപ്പ് മൂർ കോളേജിലെ അഭിഷേകും പ്രായം കുറഞ്ഞ മികച്ച കളിക്കാരനായി ക്രൈസ്റ്റിലെ സ്വാലിയും മികച്ച കോച്ച് ആയി ബിഷപ്പ് മൂർ കോളേജിലെ എസ് മനോജും തിരഞ്ഞെടുക്കപ്പെട്ടു. സമാപന ചടങ്ങിൽ ജില്ലാ സ്പോർട്സ് കൗൺസിൽ പ്രസിഡന്റ്‌ കെ ആർ
സാംബശിവൻ സമ്മാനദാനം നിർവഹിച്ചു.
Please follow and like us:
