രാഷ്ട്രീയ വിമർശനങ്ങൾ ഉള്ളടക്കങ്ങളായുള്ള ചിത്രങ്ങളുടെ പേരിൽ ചലച്ചിത്ര നിർമ്മാണത്തിന് വിലക്കും പിന്നീട് അറസ്റ്റും നേരിട്ട ഇറാനിയൻ സംവിധായകൻ ജാഫർ പനാഹിയുടെ ” നോ ബിയേഴ്സ് ” ഇരിങ്ങാലക്കുട ഫിലിം സൊസൈറ്റി ജൂലൈ 26 വെള്ളിയാഴ്ച സ്ക്രീൻ ചെയ്യുന്നു. രാജ്യം വിടാനുള്ള കമിതാക്കളുടെ ശ്രമങ്ങളാണ് 107 മിനിറ്റുള്ള ചിത്രത്തിൻ്റെ പ്രമേയം. ഒളിക്യാമറ ഉപയോഗപ്പെടുത്തി ചിത്രീകരിച്ച നോ ബിയേഴ്സ് 2022 ലെ വെനീസ് ഫിലിം ഫെസ്റ്റിവലിൽ സ്പെഷ്യൽ ജൂറി പുരസ്കാരവും ചിക്കാഗോ അന്താരാഷ്ട്ര ചലച്ചിത്രമേളയിൽ മികച്ച ചിത്രത്തിനുള്ള പുരസ്കാരവും നേടി. പ്രദർശനം ക്രൈസ്റ്റ് കോളേജ് ജംഗ്ഷനിലെ ഓർമ്മ ഹാളിൽ വൈകീട്ട് 6 ന് .
Please follow and like us:
