ടി.എൻ നമ്പൂതിരി സ്മാരക അവാർഡ് എസ് ജി ഗോമസ്മാസ്റ്റർക്ക് സമർപ്പിച്ചു..
ഇരിങ്ങാലക്കുട: സ്വാതന്ത്ര്യ സമര സേനാനിയും കമ്മ്യൂണിസ്റ്റ് പാർട്ടി നേതാവുമായിരുന്ന ടി.എൻ നമ്പൂതിരി പേരിൽ എർപ്പെടുത്തിയിട്ടുള്ള അവാർഡ് ബാൻ്റ് സംഗീത ആചാര്യൻ എസ് ജി ഗോമസ് മാസ്റ്റർക്ക് സമർപ്പിച്ചു. മിനി ടൗൺ ഹാളിൽ നടന്ന 46-ാം ചരമവാർഷിക ദിനാചരണം സി പി ഐ സംസ്ഥാന എക്സിക്യൂട്ടീവ് അംഗം സി.എൻ ജയദേവൻ ഉദ്ഘാടനം ചെയ്തു.ടി.എൻ സ്മാരക സമിതി സെക്രട്ടറി കെ.ശ്രീകുമാർ അദ്ധ്യക്ഷത വഹിച്ചു. സംഗീത നാടക അക്കാദമി സെക്രട്ടറി കരിവെള്ളൂർ മുരളി മുഖ്യപ്രഭാഷണം നടത്തി. ടി. എൻ സ്മാരക സമിതി പ്രസിഡന്റ് ഇ.ബാലഗംഗാധരൻ അവാർഡ് സമർപ്പണം നിർവഹിച്ചു. സി പി ഐ ജില്ല എക്സിക്യൂട്ടീവ് അംഗങ്ങളായ ടി.കെ സുധീഷ്, കെ.എസ് ജയ എന്നിവർ സംസാരിച്ചു.സി പി ഐ ജില്ലാ കൗൺസിൽ അംഗം അനിതാ രാധാകൃഷ്ണൻ, യുവകലാസാഹിതി മണ്ഡലം സെക്രട്ടറി അഡ്വ. രാജേഷ് തമ്പാൻ, ടി.എൻ കൃഷ്ണദാസ് എന്നിവർ സന്നിഹിതരായിരുന്നു. സി പി ഐ മണ്ഡലം സെക്രട്ടറി പി. മണി സ്വാഗതവും സി പി ഐ മണ്ഡലം അസി സെക്രട്ടറി എൻ.കെ ഉദയപ്രകാശ് നന്ദിയും പറഞ്ഞു.
