കാട്ടൂർ വലക്കഴയിൽ വച്ച് ബൈക്കിൽ വരികയായിരുന്ന യുവാക്കളെ തടഞ്ഞ് നിറുത്തി കൊല്ലാൻ ശ്രമിച്ച പ്രതി അറസ്റ്റിൽ….
ഇരിങ്ങാലക്കുട : കാട്ടൂർ പോലീസ് സ്റ്റേഷനിലെ വലക്കഴയിൽ വച്ച് അഞ്ച് മാസം മുൻപ് ബൈക്കിൽ വരികയായിരുന്ന യുവാക്കളെ തടഞ്ഞ് നിർത്തി കൊല്ലാൻ ശ്രമിച്ച കേസ്സിലെ പ്രതി അറസ്റ്റിൽ. എടത്തിരുത്തി മുനയം കോഴിപറമ്പിൽ വീട്ടിൽ പ്രണവ് (30) ആണ് കാട്ടൂർ പോലീസിൻ്റെ പിടിയിലായത്. സംഭവത്തിൽ വലക്കഴ സ്വദേശികളായ രണ്ട് യുവാക്കൾക്ക് പരിക്കേറ്റിരുന്നു.ഒളിവിൽ കഴിഞ്ഞിരുന്ന പ്രതിയെ തൃശൂർ റൂറൽ എസ്പി നവനീത് ശർമ്മയുടെയും ഡിവൈഎസ്പി സുമേഷിന്റെയും നിർദ്ദേശ പ്രകാരം കാട്ടൂർ സബ് ഇൻസ്‌പെക്ടർ രമ്യ കാർത്തികേയൻ്റെ നേതൃത്വത്തിൽ കാട്ടൂർ സ്‌ക്വാഡ് അതിസാഹസികമായി പിടികൂടുകയായിരുന്നു. പ്രതി സുഹൃത്തുക്കളുമൊത്ത് ചിറക്കൽ ബാറിൽ മദ്യപിക്കാൻ എത്തിയിട്ടുണ്ടെന്ന രഹസ്യ വിവരത്തെ തുടർന്ന് കാട്ടൂർ സ്‌ക്വാഡിലെ സീനിയർ സിവിൽ പോലീസ് ഓഫീസർമാരായ ധനേഷ് സി ജി , ശ്യാം എന്നിവർ തന്ത്ര പൂർവ്വം കീഴടക്കുകയായിരുന്നു. പ്രതി നിലവിൽ കാപ്പ ശിക്ഷ കഴിഞ്ഞു ഇറങ്ങിയതാണ്. കൈപ്പമംഗലം, കാട്ടൂർ എന്നീ സ്റ്റേഷനുകളിൽ നിരവധി കേസുകളിൽ പ്രതിയാണ് ഇയാൾ. എസ്ഐ ബാബു ജോർജ് സീനിയർ സിവിൽ പോലീസ് ഓഫീസർ വിജയൻ, കിരൺ, ജിതേഷ്, അഭിലാഷ്, ധനേഷ്, സ്പെഷ്യൽ ബ്രാഞ്ച് ഓഫീസർ ഫെബിൻ എന്നിവരും അന്വേഷണ സംഘത്തിലുണ്ടായിരുന്നു.
