അബ്കാരി കേസ്സിൽ ഒളിവിലായിരുന്ന കുറ്റിച്ചിറ രണ്ടുകൈ സ്വദേശി ചാലക്കുടി എക്സൈസ് സംഘത്തിൻ്റെ പിടിയിൽ….
ചാലക്കുടി : ചാലക്കുടി റേഞ്ചിലെ അബ്കാരി കേസിൽ ഒളിവിൽ ആയിരുന്ന പ്രതി അറസ്റ്റിൽ .ചാലക്കുടി കുറ്റിച്ചിറ രണ്ട് കൈ പായപ്പൻ ടോജി (48) ആണ് ചാലക്കുടി കോടതി പരിസരത്ത് വച്ച് എക്സൈസ് സംഘത്തിൻ്റെ പിടിയിലായത്.2023 ലെ അബ്കാരി കേസ്സുമായി ബന്ധപ്പെട്ട് ഇയാൾ ഒളിവിലായിരുന്നു. പ്രതിയുടെ വീട്ടിൽ നിന്ന് ചാരായവും വാഷും അന്ന് കണ്ടെടുത്തിരുന്നു. എക്സൈസ് ഉദ്യോഗസ്ഥരെ കണ്ട് പ്രതി ഓടി രക്ഷപ്പെടുകയായിരുന്നു. കേസ്സിൻ്റെ അന്വേഷണം നടക്കുന്നതിനിടയിലാണ് പ്രതിയെ ചാലക്കുടി റേഞ്ച് എക്സൈസ് ഇൻസ്പെക്ടർ എസ്. സമീറും പാർട്ടിയും ചേർന്ന് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
Please follow and like us:
