“ഇരിങ്ങാലക്കുടയും ഞാനും ” – എൺപതോളം എഴുത്തുകാരുടെ രചനകൾ പ്രകാശനം ചെയ്തു….
ഇരിങ്ങാലക്കുട : പുരോഗമന കലാസാഹിത്യ സംഘം ടൗൺ യൂണിറ്റ് പുറത്തിറക്കിയ ” ഇരിങ്ങാലക്കുടയും ഞാനും ” ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ.ആർ.ബിന്ദു പ്രകാശനം ചെയ്തു. പിടിആർ ഓഡിറ്റോറിയത്തിൽ നടന്ന ചടങ്ങിൽ എഴുത്തുകാരൻ അശോകൻ ചരുവിൽ എറ്റ് വാങ്ങി. പ്രസിഡന്റ് കെ ജി സുബ്രമണ്യൻ അധ്യക്ഷത വഹിച്ചു.
സൗഹൃദമാണ് വഴി എന്ന വിഷയത്തെ ആസ്പദമാക്കി ഷൗക്കത്ത് മുഖ്യപ്രഭാഷണം നടത്തി.
ഇരിങ്ങാലക്കുട ദേശവുമായി ബന്ധപ്പെട്ട് കെ സച്ചിദാനന്ദൻ, ഡോ ആർ ബിന്ദു, ഖദീജ മുംതാസ്, എന്നിവർ ഉൾപ്പെടെ എൺപത്തിമൂന്ന് എഴുത്തുകാരുടെ കഥ-കവിത ഓർമ്മക്കുറിപ്പുകളാണ് ഉൾപ്പെടുത്തിയിരിക്കുന്നത്.
സെക്രട്ടറി ഷെറിൻ അഹമ്മദ് ,ഡയറ്റ് അദ്ധ്യാപകൻ സനോജ് രാഘവൻ പ്രൊഫ.സാവിത്രി ലക്ഷ്മണൻ,ഡോ.എം.എൻ.വിനയകുമാർ,ഖാദർ പട്ടേപ്പാടം,ഡോ. കെ.പി.ജോർജ്ജ്,മുരളി നടക്കൽ എന്നിവർ സംസാരിച്ചു.
