വനിതാസംഗമവുമായി ഇരിങ്ങാലക്കുട നഗരസഭ സംഘടിപ്പിക്കുന്ന ഞാറ്റുവേല മഹോൽസവത്തിൻ്റെ എഴാം ദിനം
ഇരിങ്ങാലക്കുട : വനിതാസംഗമവുമായി നഗരസഭ സംഘടിപ്പിക്കുന്ന ഞാറ്റുവേല മഹോത്സവത്തിന്റെ ഏഴാം ദിനം . ടൗൺഹാളിൽ നടന്ന ചടങ്ങിൽ
ചിത്രകാരിയും കലാഗവേഷകയുമായ ഡോക്ടർ കവിത ബാലകൃഷ്ണൻ വനിതാ സംഗമത്തിൻ്റെ ഉദ്ഘാടനം നിർവഹിച്ചു.
ഗാനരചയിതാവും അമൃത ടിവി വനിതാരത്നം സെക്കൻഡ് റണ്ണറപ്പും കൂടിയായ ധന്യ സുരേഷ് മുഖ്യാതിഥിയായി പങ്കെടുത്തു.
മുൻസിപ്പൽ ചെയർമാൻ സുജ സഞ്ജീവ് കുമാർ യോഗത്തിന് അദ്ധ്യക്ഷത വഹിച്ചു.ചടങ്ങിൽ വെച്ച് ഏഷ്യൻ പവർ ലിഫ്റ്റിങ് ചാമ്പ്യൻഷിപ്പ് ബ്രോൺസ് മെഡലിസ്റ്റ് അനഘ, ക്ലാസിക്കൽ നർത്തകി കലാമണ്ഡലം പ്രഷീജ എന്നിവരെ ആദരിച്ചു.
ചടങ്ങിന് വികസനകാര്യ സ്റ്റാൻ്റിംഗ് കമ്മിറ്റി ചെയർമാൻ ഫെനി എബിൻ വെള്ളാനിക്കാരൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സി സി ഷിബിൻ, ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ അംബിക പള്ളിപ്പുറത്ത്, പൊതുമരാമത്ത് കാര്യ സ്റ്റാൻഡിങ് കമ്മിറ്റി ചെയർമാൻ ജെയ്സൺ പാറേക്കാടൻ, വിദ്യാഭ്യാസകാര്യ സ്റ്റാൻ്റിംഗ് കമ്മിറ്റി ചെയർമാൻ അഡ്വ. ജിഷ ജോബി, സിഡിഎസ് ചെയർപേഴ്സൺമാരായ പുഷ്പാവതി , ഷൈലജ ബാലൻ എന്നിവർ ആശംസകൾ നേർന്നു.
മുനിസിപ്പൽ കൗൺസിലർ അഡ്വ. കെ.ആർ. വിജയ സ്വാഗതവും മുനിസിപ്പൽ കൗൺസിലർ മേരികുട്ടി ജോയി നന്ദിയും പറഞ്ഞു.
