ടാക്സ് കൺസൾട്ടൻറ്സ് ആൻ്റ് പ്രാക്ടീഷണേഴ്സ് അസോസിയേഷൻ മേഖല നേതൃത്വ പരിശീലന ക്യാമ്പ് ജൂൺ 26, 27 തീയതികളിൽ അതിരപ്പിള്ളിയിൽ; പങ്കെടുക്കുന്നത് നാല് ജില്ലകളിൽ നിന്നായി 130 ഓളം പ്രതിനിധികൾ ….
ഇരിങ്ങാലക്കുട : ടാക്സ് കൺസൾട്ടൻറ്സ് ആൻ്റ് പ്രാക്ടീഷനേഴ്സ് അസോസിയേഷൻ മേഖല നേത്യത്വ പരിശീലനക്യാമ്പ് ജൂൺ 26, 27 തീയതികളിൽ അതിരപ്പിള്ളി ബദാനിയ റിസോർട്ടിൽ നടക്കും. 26 ന് 2 മണിക്ക് സനീഷ്കുമാർ ജോസഫ് എംഎൽഎ ക്യാമ്പ് ഉദ്ഘാടനം ചെയ്യും. ഇടുക്കി, എറണാകുളം , തൃശ്ശൂർ, പാലക്കാട് ജില്ലകളിൽ നിന്നായി 130 ഓളം പ്രതിനിധികൾ ക്യാമ്പിൽ പങ്കെടുക്കുമെന്ന് സംസ്ഥാന കമ്മിറ്റി അംഗം എ കണ്ണൻ,ജില്ലാ സെക്രട്ടറി പി എ ശശികുമാർ എന്നിവർ പത്ര സമ്മേളനത്തിൽ അറിയിച്ചു. 2.30 ന് അസോസിയേഷൻ ജില്ലാ സെക്രട്ടറി എൻ ഷാജിയുടെ ക്ലാസ്സും വൈകീട്ട് 7 ന് കലാസന്ധ്യയും ഉണ്ടായിരിക്കും. 27 ന് രാവിലെ 9. 30 ന് ജിഎസ്ടി അപ്പീൽ വിഭാഗം ജോ. കമ്മീഷണർ പി എ അഭിലാഷ് , കണ്ണൂർ ജില്ലാ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ വി കെ സുരേഷ്ബാബു എന്നിവർ ക്ലാസ്സുകൾ നയിക്കും. ജില്ലാ ജോയിൻ്റ് സെക്രട്ടറി കെ വി ശശിധരൻ, യൂണിറ്റ് സെക്രട്ടറി കെ പി അനൂപ് എന്നിവരും പത്ര സമ്മേളനത്തിൽ പങ്കെടുത്തു.
