ഡോൺബോസ്കോ സ്കൂളിൻ്റെ വജ്രജൂബിലി ചരിത്രസ്മരണിക പ്രകാശനം ചെയ്തു….
ഇരിങ്ങാലക്കുട : ഡോൺ ബോസ്കോ സ്കൂളിന്റെ വജ്ര ജൂബിലി ചരിത്ര സ്മരണിക ‘സാങ്കോഫാ’ മാധ്യമ പ്രവർത്തകൻ ശ്രീകണ്ഠൻനായർ പ്രകാശനം ചെയ്തു.
ഡോൺ ബോസ്കോ റെക്ടറും മാനേജരുമായ ഫാദർ ഇമ്മാനുവേൽ വട്ടക്കുന്നേൽ അധ്യക്ഷത വഹിച്ചു. സ്മരണിക കമ്മറ്റി ചെയർമാൻ ഡോണി ജോർജ് അക്കരക്കാരൻ പുസ്തകം ഏറ്റു വാങ്ങി. സ്മരണിക എക്സിക്യൂട്ടീവ് എഡിറ്റർ സെബി മാളിയേക്കൽ പുസ്തകത്തെ പരിചയപ്പെടുത്തി. മാധ്യമപ്രവർത്തകൻ പി.പി. ജെയിംസ്, സ്മരണിക ചീഫ് എഡിറ്ററും ഹയർ സെക്കണ്ടറി പ്രിൻസിപ്പാളുമായ ഫാദർ സന്തോഷ് മണിക്കൊമ്പേൽ ,സെൻട്രൽ സ്കൂൾ പ്രിൻസിപ്പൽ ലൈസ സെബാസ്റ്റ്യൻ , അഡ്മിനിസ്ട്രേറ്റർ ഫാദർ ജോയ്‌സൺ മുളവരിക്കൽ, ഫാദർ വർഗീസ് ജോൺ, സിസ്റ്റർ വി.പി. ഓമന, അഡ്വ. ഹോബി ജോളി, സിബി പോൾ, ടെൽസൺ കോട്ടോളി, ശിവപ്രസാദ് ശ്രീധരൻ, എം. സംഗീത സാഗർ തുടങ്ങിയവർ സംസാരിച്ചു.
