പോലീസ് അക്കാദമിയിലെ അരിപ്പാലം സ്വദേശിയായ എസ്ഐ യെ തൂങ്ങിമരിച്ച നിലയിൽ കണ്ടെത്തി…
തൃശ്ശൂർ : രാമവർമ്മപുരം കേരള പോലീസ് അക്കാദമിയിലെ എസ് ഐ യെ തൂങ്ങിമരിച്ച നിലയിൽ കണ്ടെത്തി.
ഇരിങ്ങാലക്കുട അരിപ്പാലം പായമ്മല്‍ പാറേക്കാടന്‍ ജോര്‍ജ് മകന്‍ ജിമ്മി ജോര്‍ജ് (35) ആണ് മരിച്ചത്.
രാവിലെ അക്കാദമി ക്വാർട്ടേഴ്സിന് സമീപത്തുള്ള പഴയ ആശുപത്രി ബ്ലോക്കിലാണ് ജിമ്മി ജോർജിനെ മരിച്ച നിലയിൽ കണ്ടെത്തിയത്. സാമ്പത്തിക പ്രതിസന്ധിയാണ് മരണത്തിനു കാരണമെന്നാണ് പ്രാഥമിക നിഗമനം.
ആംഡ് പോലീസിലെ എസ് ഐ റാങ്കിൽ അക്കാദമിയിലെ ട്രെയിനർ ആയിരുന്നു ജിമ്മി ജോർജ്.
കഴിഞ്ഞ വര്‍ഷമാണ് ജിമ്മി ജോർജ് രാമവര്‍മ്മപുരത്തെത്തിയത് .കേരള പോലീസ് ഫുട്‌ബോള്‍ ടീമിലെ താരം കൂടിയാണ്.
ഭാര്യ മരിയ പോള്‍ വിദേശത്താണ്.
മക്കള്‍: ഐറീസ്, റെയാന്‍ , മേരി.
വിയ്യൂര്‍ പോലീസ് മേല്‍ നടപടികള്‍ സ്വീകരിച്ചു.
Please follow and like us:
