എ.കെ.സി.സി. മാർ ജെയിംസ് പഴയാറ്റിൽ അഖില കേരള സെവൻസ് ഫുട്ബോൾ ടൂർണമെന്റിൽ കോഴിക്കോട് അൽഷാദ് ഇന്ത്യൻ പ്ലേ ബോയ്സ് ജേതാക്കൾ..
ഇരിങ്ങാലക്കുട : ഇരിങ്ങാലക്കുട സെന്റ് തോമസ് കത്തീഡ്രൽ എകെസിസിയുടെ നേതൃത്വത്തിൽ സംഘടിപ്പിച്ച മാർ ജെയിംസ് പഴയാറ്റിൽ മെമ്മോറിയൽ അഖില കേരള സെവൻസ് ഫുട്ബോൾ ടൂർണമെന്റിൽ കോഴിക്കോട് അൽഷാദ് ഇന്ത്യൻ പ്ലേ ബോയ്സ് ജേതാക്കളായി . മുനിസിപ്പൽ മൈതാനിയിലെ ഫ്ലഡ് ലൈറ്റ് സ്റ്റേഡിയത്തിൽ നടന്ന ഫൈനൽ മൽസരത്തിൽ പാലക്കാട് ജിഎഫ്ടി യെ രണ്ട് ഗോളുകൾക്കാണ് പരാജയപ്പെടുത്തിയത്. നിശ്ചിത സമയത്ത് സമനില പാലിച്ചതിനാൽ പെനാൾട്ടി ഷൂട്ടൗട്ടിലൂടെയാണ് അൽഷാദ് കോഴിക്കോട് ജേതാക്കളായത് .സ്കോർ 5-3. സമാപന സമ്മേളനം ഉന്നത വിദ്യാഭ്യാസ മന്ത്രി ഡോ.ആർ. ബിന്ദു ഉദ്ഘാടനം ചെയ്തു. മുനിസിപ്പൽ ചെയർ പേഴ്സൺ സുജ സഞ്ജീവ് കുമാർ അദ്ധ്യക്ഷത വഹിച്ച സമ്മേളനത്തിൽ ആവന്തി ഗ്രൂപ്പ് എം.ഡി. ഡേവിസ് ആന്റണി അക്കരക്കാരൻ, കത്തീഡ്രൽ വികാരി റവ.ഡോ. ലാസർ കുറ്റിക്കാടൻ, എ.കെ.സി സി. പ്രസിഡന്റ് രഞ്ചി അക്കരക്കാരൻ,ജനറൽ കൺവീനർ പി.ടി. ജോർജ്, ജോ. കൺവീനർമാരായ ടെൽസൺ കോട്ടോളി, ഷാജു പാറേക്കാടൻ, ജോസ് മാമ്പിള്ളി, ട്രഷറർ വിൻസൻ കോമ്പാറക്കാരൻ എന്നിവർ പ്രസംഗിച്ചു. മന്ത്രി ഡോ. ആർ ബിന്ദു സമ്മാനദാനം നിർവഹിച്ചു.
