ജില്ലാതല സ്കൂൾ പ്രവേശനോത്സവം ജൂൺ 3 ന് നടവരമ്പ് ഗവ. ഹയർ സെക്കൻഡറി സ്കൂളിൽ;സംഘാടകസമിതി രൂപീകരിച്ചു…
ഇരിങ്ങാലക്കുട : തൃശ്ശൂർ ജില്ലാതല സ്കൂൾ പ്രവേശനോൽസവം ജൂൺ 3 ന് 10 മണിക്ക് നടവരമ്പ് ഗവ മോഡൽ ഹയർ സെക്കൻഡറി സ്കൂളിൽ നടക്കും. പരിപാടിയുടെ നടത്തിപ്പിനായി സംഘാടക സമിതി രൂപീകരിച്ചു. രൂപീകരണ യോഗം ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ.ആർ.ബിന്ദു ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് കെ.എസ്. ധനീഷ്, അധ്യക്ഷത വഹിച്ചു. ഷാജിമോൻ( വിദ്യാഭ്യാസ ഉപഡയറക്ടർ ), പരമേശ്വരൻ നമ്പൂതിരി( ജില്ലാ വിദ്യാഭ്യാസ ഓഫീസർ ), സുധ ദിലീപ്, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ) വിജയലക്ഷ്മി വിനയചന്ദ്രൻ, ( ബ്ലോക്ക് പഞ്ചായത്ത് അംഗം)മാത്യു പാറേക്കാടൻ,( ഗ്രാമപഞ്ചായത്ത് അംഗം) ശശിധരൻ ഇ. ( ഡിപിസി ഇൻ ചാർജ് ) രമേഷ് ( വിദ്യാ കിരണംകോഡിനേറ്റർ ) പ്രീതി എം കെ എന്നിവർ സംസാരിച്ചു. മന്ത്രി രക്ഷാധികാരിയും ജില്ലാ പഞ്ചായത്ത് പ്രസിഡന്റ് ചെയർമാനും ഡിഡി കൺവീനറുമായി അമ്പത്തിയൊന്ന് അംഗ സംഘാടക സമിതി രൂപീകരിച്ചു.
