കാട്ടൂർ ഇല്ലിക്കാടിൽ സംഘർഷം; മൂന്ന് യുവാക്കൾക്ക് കുത്തേറ്റു ….
ഇരിങ്ങാലക്കുട : കാട്ടൂർ ഇല്ലിക്കാടിൽ ഉണ്ടായ സംഘർഷത്തിൽ മൂന്ന് യുവാക്കൾക്ക് കുത്തേറ്റു. കഴിഞ്ഞ ദിവസം രാത്രി പത്തരയോടെ ഇല്ലിക്കാട് പള്ളി പരിസരത്ത് വച്ചായിരുന്നു സംഭവം. കൂടൽമാണിക്യ ഉൽസവത്തിന് പോകുന്നവരും പോയി മടങ്ങുന്നവരും തമ്മിൽ ഉണ്ടായ വാക്ക് തർക്കമാണ് സംഘർഷത്തിലും കത്തിക്കുത്തിലും കലാശിച്ചത്. ചെന്ത്രാപ്പിന്നി മാടാനി വീട്ടിൽ ശ്രീരാഗ് (21) , എടമുട്ടം കാരയിൽ വീട്ടിൽ ഷനിൽ (24) , കഴിമ്പ്രം കൊല്ലാറ വീട്ടിൽ അതുൽ(23) എന്നിവർക്കാണ് കുത്തേറ്റത്. ഇരു സംഘവും ബൈക്കുകളിലായിരുന്നു. കുത്തേറ്റ് റോഡിൽ കിടന്ന ഇവരെ ആംബുലൻസിലും ഓട്ടോറിക്ഷയിലുമായി വിവിധ ആശുപത്രികളിൽ പ്രവേശിപ്പിച്ചു. സംഭവുമായി ബന്ധപ്പെട്ട് എടക്കുളം, കാട്ടൂർ സ്വദേശികളായ രണ്ട് പേർ പിടിയിലായിട്ടുണ്ടെന്നാണ് സൂചന.
Please follow and like us:
