ലോക്സഭാ തെരഞ്ഞെടുപ്പ്; തൃശ്ശൂർ ലോക്സഭാ മണ്ഡലത്തിൽ ഇത് വരെ വോട്ട് രേഖപ്പെടുത്തിയത് 41 % പേർ; ഇരിങ്ങാലക്കുടയിൽ 40. 92 %…
തൃശ്ശൂർ : ലോക്സഭ തെരഞ്ഞെടുപ്പിൽ തൃശ്ശൂർ ലോക്സഭാ മണ്ഡലത്തിൽ ഉച്ചയ്ക്ക് ഒന്നേ മുക്കാൽ മണി വരെ വോട്ട് രേഖപ്പെടുത്തിയത് 41 % പേർ. 41 % പുരുഷൻമാരും 40.74 % സ്ത്രീകളും വോട്ട് രേഖപ്പെടുത്തിക്കഴിഞ്ഞതായിട്ടാണ് ഔദ്യോഗിക കണക്ക്. തൃശ്ശൂർ മണ്ഡലത്തിൽ 1483055 പേരാണ് ആകെ വോട്ടർമാർ . ഇരിങ്ങാലക്കുട മണ്ഡലത്തിൽ 40. 92 % പേരാണ് വോട്ട് രേഖപ്പെടുത്തിയിട്ടുള്ളത്. മണ്ഡലത്തിൽ 207194 വോട്ടർമാർ ആണ് ആകെയുള്ളത്. രാവിലെ എഴ് മണി മുതൽ തന്നെ മണ്ഡത്തിലെ വിവിധ ബൂത്തുകളിൽ നീണ്ട നിര തന്നെ ദ്യശ്യമായിരുന്നു. ഉച്ചയ്ക്ക് രണ്ട് മണിക്കും തിരക്ക് കുറഞ്ഞിട്ടില്ല.പ്രായമായവരെയും അവശതകൾ നേരിടുന്നവരെയും സഹായിക്കാൻ പോലീസ്, എൻസിസി വിഭാഗങ്ങളും രംഗത്തുണ്ട്. ഹെൽപ്പ് ഡെസ്കും ബൂത്തുകളിൽ സജ്ജീകരിച്ചിട്ടുണ്ട്.
