ശ്രീകൂടൽമാണിക്യതിരുവുൽസവം; മാണിക്യശ്രീ പുരസ്കാരം പെരുവനം കുട്ടൻമാരാർക്ക് സമ്മാനിച്ചു..
ഇരിങ്ങാലക്കുട : ശ്രീകൂടൽമാണിക്യം ദേവസ്വത്തിൻ്റെ ഈ വർഷത്തെ മാണിക്യശ്രീ പുരസ്കാരം പെരുവനം കുട്ടൻമാരാർക്ക് സമ്മാനിച്ചു. ഉൽസവത്തോടനുബന്ധിച്ച് തെക്കേ നടയിലെ സ്പെഷ്യൽ പന്തലിൽ നടന്ന സാംസ്കാരിക സമ്മേളനം ഉന്നത വിദ്യാഭ്യാസവകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്തു. ദേവസ്വം ചെയർമാൻ അഡ്വ സി കെ ഗോപി അധ്യക്ഷത വഹിച്ചു. ഗുരുവായൂർ ദേവസ്വം ചെയർമാൻ വി കെ വിജയൻ പുരസ്കാരം സമർപ്പിച്ചു. പ്രവാസി നിസാർ അഷ്റഫ്, വോൾഗ അഗ്രോ ഫുഡ്സ് ഡയറക്ടർ പ്രദീപ്മേനോൻ എന്നിവരെ ചടങ്ങി മന്ത്രി ഡോ ബിന്ദു ആദരിച്ചു.ദേവസ്വം മെമ്പർ അഡ്വ കെ ജി അജയകുമാർ സ്വാഗതവും അഡ്മിനിസ്ട്രേറ്റർ കെ ഉഷാനന്ദിനി നന്ദിയും പറഞ്ഞു. ഭരണ സമിതി അംഗങ്ങളായ രാഘവൻ മുളങ്ങാടൻ, വി സി പ്രഭാകരൻ, കെ ബിന്ദു തുടങ്ങിയവർ പങ്കെടുത്തു.
Please follow and like us:
