ആവേശമായി യുഡിഎഫ് സ്ഥാനാർത്ഥി കെ മുരളീധരൻ്റെ ഇരിങ്ങാലക്കുട ബ്ലോക്ക് തല പര്യടനം….
ഇരിങ്ങാലക്കുട :ഇരിങ്ങാലക്കുടയിൽ ആവേശത്തിരയിളക്കി തൃശ്ശൂർ ലോക്സഭാ മണ്ഡലം യുഡിഎഫ് സ്ഥാനാർഥി കെ മുരളീധരന്റെ പര്യടനം. ആളൂർ മണ്ഡലത്തിലെ വല്ലക്കുന്ന് ടൗണിൽ നിന്നും ആരംഭിച്ച പര്യടനം മുൻ എംഎൽഎ തോമസ് ഉണ്ണിയാടാൻ ഉദ്ഘാടനം ചെയ്തു.പരിപാടിയിൽ സ്ത്രീകളും കുട്ടികളും അടക്കം ഒട്ടേറെ പേർ പങ്കെടുത്തു. തൊഴിലില്ലായ്മയും വിലക്കയറ്റവും രൂക്ഷമായ നാട്ടിൽ ജനങ്ങളെ ഭിന്നിപ്പിക്കാൻ നോക്കുന്ന പ്രധാനമന്ത്രിക്കെതിരെയും ജനക്ഷേമ പ്രവർത്തനങ്ങൾ എല്ലാം മാറ്റിവച്ച് ധൂർത്ത് മാത്രം മുഖമുദ്രയാക്കിയ സംസ്ഥാന ഭരണകൂടത്തിനെതിരെയും ശക്തമായ ജനവികാരം ഉണ്ടെന്നും ഇത് വോട്ടെടുപ്പിൽ പ്രതിഫലിക്കുമെന്നും മുരളീധരൻ പറഞ്ഞു. മുരിയാട്, പൊറത്തിശ്ശേരി, ഇരിങ്ങാലക്കുട മേഖലകളിലാണ് ശനിയാഴ്ച പര്യടനം നടത്തിയത്.
Please follow and like us:
