ഇരിങ്ങാലക്കുടയിലെ സ്ഥാപനങ്ങൾ സന്ദർശിച്ച് യുഡിഎഫ് സ്ഥാനാർത്ഥി കെ മുരളീധരൻ….
ഇരിങ്ങാലക്കുട: യു ഡി എഫ് സ്ഥാനാർത്ഥി കെ. മുരളീധരൻ നിയോജകമണ്ഡലത്തിലെ വിവിധ സ്ഥാപനങ്ങൾ സന്ദർശിച്ച് വോട്ടഭ്യർത്ഥിച്ചു. രാവിലെ സെൻ്റ് തോമസ് കത്തീഡ്രലിൽ എത്തിയ സ്ഥാനാർഥിയെ വികാരി റവ. ഡോ. ലാസർ കുറ്റിക്കാടനും സഹവൈദികരും കൈക്കാരൻമാരും ചേർന്ന് സ്വീകരിച്ചു. തുടർന്ന് സഹകരണ ആശുപത്രി, കാട്ടൂർ, കാറളം, വേളൂക്കര, മുരിയാട്, പൊറത്തിശ്ശേരി മണ്ഡങ്ങളിലെ വിവിധ സ്ഥാപനങ്ങൾ, കോളേജുകൾ, മഠങ്ങൾ, മഹല്ലുകൾ, എന്നിവിടങ്ങളിലും അദ്ദേഹം എത്തി വോട്ടഭ്യർത്ഥിച്ചു.
മുൻ സർക്കാർ ചീഫ് വിപ്പ് തോമസ് ഉണ്ണിയാടൻ, തിരഞ്ഞെടുപ്പ് കമ്മിറ്റി ചെയർമാൻ എം.പി. ജാക്സൺ, കൺവീനർ കെ.കെ. ശോഭനൻ, ഡി സി സി സെക്രട്ടറിമാരായ ആന്റോ പെരുമ്പുള്ളി, സതീഷ് വിമലൻ, നഗര സഭ അധ്യക്ഷ സുജ സഞ്ജീവ്കുമാർ, ബ്ലോക്ക് പ്രസിഡന്റുമാരായ സോമൻ ചിറ്റേത്ത്, ഷാറ്റോ കുര്യൻ, മണ്ഡലം പ്രസിഡന്റുമാരായ സി.എസ്‌. അബ്‌ദുൾ ഹഖ്, പി.കെ.ഭാസി, ബാസ്റ്റിൻ ഫ്രാൻസിസ്, എ.പി. വിൽസൺ, ശശികുമാർ
എടപുഴ, സാജു പാറേക്കാടൻ എന്നിവരും അദ്ദേഹത്തോടൊപ്പമുണ്ടായിരുന്നു.
