പിഎംഎവൈ- ലൈഫ് പദ്ധതിയിൽ ഇരിങ്ങാലക്കുട നഗരസഭയിൽ വീട് നിർമ്മാണം പൂർത്തീകരിച്ചത് 695 ഗുണഭോക്താക്കൾ…
ഇരിങ്ങാലക്കുട :നഗരസഭ പിഎംഎവൈ (നഗരം) ലൈഫ് പദ്ധതിയുടെ ഭാഗമായി വിവിധ ഡിപിആറുകളിലായി ഭവനനിർമ്മാണം പൂർത്തീകരിച്ചത് 695 ഗുണഭോക്താക്കൾ. ഒമ്പത് ഡിപിആറുകളിലായി ആകെയുള്ളത് 1033 ഗുണഭോക്താക്കളാണ്. വീട് നിര്‍മ്മാണം ആരംഭിച്ചവരുടെ ഗുണഭോക്തൃസംഗമം നഗരസഭ ചെയര്‍പേഴ്സണ്‍ സുജ സഞ്ജീവ്കുമാര്‍ ഉദ്ഘാടനം ചെയ്തു. ടൗൺ ഹാളിൽ നടന്ന പരിപാടിയിൽ വൈസ് ചെയര്‍മാന്‍ ടിവി ചാര്‍ളി അധ്യക്ഷനായി.
പദ്ധതി നിര്‍വഹണം ത്വരിതപ്പെടുത്തുന്നതിനുള്ള സന്ദേശങ്ങള്‍, ഇടപെടല്‍, ബോധവത്ക്കരണ ക്ലാസ്സുകള്‍ നടത്തി.പിഎംഎവൈ ചാർജ്ജ് ഓഫീസർ കെ ജി അനിൽ റിപ്പോർട്ട് അവതരിപ്പിച്ചു.സ്റ്റാന്റിംഗ് കമ്മിറ്റി ചെയര്‍മാന്‍മാരായ അംബിക പള്ളിപുറത്ത്, ഫെനി അബിന്‍, ജെയ്സണ്‍ പാറേക്കാടന്‍, ജിഷ ജോബി, കൗണ്‍സിലര്‍മാരായ അല്‍ഫോന്‍സ തോമസ്സ്, അവിനാഷ് ഒ.എസ്, സോണിയ ഗിരി, അഡ്വ കെ ആര്‍ വിജയ, സന്തോഷ് ബോബന്‍, പി.ടി. ജോര്‍ജ്ജ്, മുനിസിപ്പല്‍ സെക്രട്ടറി ഷാജിക് എം.എച്ച്, സി.ഡി.എസ് ചെയര്‍പേഴ്‌സണ്‍മാര്‍ തുടങ്ങിയവര്‍ പങ്കെടുത്തു.
