ആരവമായി ബിജെപി സ്ഥാനാർഥിയും നടനുമായ സുരേഷ് ഗോപിയുടെ റോഡ് ഷോ; ആദ്യഘട്ട പര്യടനത്തിന് തുടക്കമായി..
ഇരിങ്ങാലക്കുട : ആരവമായി തൃശ്ശൂർ ലോക്സഭാ മണ്ഡലം ബിജെപി സ്ഥാനാർഥിയും നടനുമായ സുരേഷ് ഗോപിയുടെ റോഡ് ഷോ . അണികളിലും കാഴ്ചക്കാരിലും ആവേശം ഉണർത്തി വൈകീട്ട് അഞ്ച് മണിയോടെയാണ് ഇരിങ്ങാലക്കുട ഠാണാവിൽ നിന്നും തുറന്ന വണ്ടിയിൽ റോഡ് ഷോ ആരംഭിച്ചത്. റോഡിൻ്റെ ഇരുവശങ്ങളിൽ കാത്ത് നിന്നവരെ അഭിവാദ്യം ചെയ്ത് മുന്നേറിയ റോഡ് ഷോ എഴ് മണിയോടെ ബസ് സ്റ്റാൻ്റ് പരിസരത്ത് എത്തിയപ്പോൾ നൂറുക്കണക്കിന് പേർ എത്തിച്ചേർന്നിരുന്നു. സ്ഥാനാർഥിയുടെ ഇരിങ്ങാലക്കുട മണ്ഡലത്തിലെ ആദ്യഘട്ട പര്യടനം രാവിലെ എഴ് മണിക്ക് കൂടൽമാണിക്യം ക്ഷേത്രത്തിൽ നിന്നാണ് ആരംഭിച്ചത്. തുടർന്ന് സെൻ്റ് തോമസ് പള്ളി, ജുമാ മസ്ജിദ്, എസ്എൻഡിപി , എൻഎസ്എസ്, യോഗക്ഷേമസഭ , ബ്രാഹ്ണമസഭ, നാഷണൽ സ്കൂൾ, കെഎസ്ഇ, കെപിഎൽ, കെഎൽഎഫ് കമ്പനികളിലും പര്യടനം നടത്തി. ബിജെപി ജില്ലാ , മണ്ഡലം നേതാക്കൾ ഒപ്പം ഉണ്ടായിരുന്നു.
