സംഘടിപ്പിച്ചത് 5000 ൽ പരം മെഡിക്കൽ ക്യാമ്പുകൾ ; സാമൂഹ്യ സേവന രംഗത്തെ സാന്നിധ്യമായ ജോൺസൻ കോലങ്കണ്ണിയെ സേവാഭാരതിയുടെ നേത്യത്വത്തിൽ ആദരിക്കുന്നു …
ഇരിങ്ങാലക്കുട : സേവാഭാരതി ഇരിങ്ങാലക്കുടയുടെയും ലയൺസ് ഡിസ്ട്രിക്റ്റ് 318 ഡി യുടെയും സംയുക്താഭിമുഖ്യത്തിൽ സാമൂഹ്യ സേവന രംഗത്ത് സാന്നിധ്യം തെളിയിച്ച നടവരമ്പ് സ്വദേശി ജോൺസൻ കോലങ്കണ്ണിയെ ആദരിക്കുന്നു. മാർച്ച് 1 വെള്ളിയാഴ്ച 9.30 ന് ഇരിങ്ങാലക്കുട ടൗൺ ഹാളിൽ നടക്കുന്ന ചടങ്ങ് ഗോവ ഗവർണ്ണർ അഡ്വ പി എസ് ശ്രീധരൻപിള്ള ഉദ്ഘാടനം ചെയ്യുമെന്ന് സേവാഭാരതി പ്രസിഡണ്ട് നളിൻബാബു എസ് മേനോൻ, ജനറൽ സെക്രട്ടറി സായിറാം എന്നിവർ പത്ര സമ്മേളനത്തിൽ അറിയിച്ചു. അയ്യായിരത്തോളം മെഡിക്കൽ ക്യാമ്പുകൾ, അഞ്ഞൂറിൽ അധികം ക്യാൻസർ ബോധവല്ക്കരണ ക്ലാസ്സുകൾ, നിർധനർക്ക് ഭവന നിർമ്മാണം അടക്കമുള്ള പ്രവർത്തനങ്ങൾക്ക് ജോൺസൻ കോലങ്കണ്ണി നേത്യത്വം നൽകിയിട്ടുണ്ട്. സംഘാടകരായ പി കെ ഉണ്ണികൃഷ്ണൻ, എ ജയശങ്കർ, ഒ എൻ സുരേഷ്, ജഗദീഷ് പണിക്കവീട്ടിൽ, ഹരികുമാർ തളിയക്കാട്ടിൽ, ജഗദീഷ് പണിക്കവീട്ടിൽ , ജോൺസൻ കോലങ്കണ്ണി എന്നിവരും പത്ര സമ്മേളനത്തിൽ പങ്കെടുത്തു.
