കഥകളി നടനും കലാനിലയം മുൻ പ്രിൻസിപ്പലുമായിരുന്ന പള്ളിപ്പുറം ഗോപാലൻനായരാശൻ്റെ 112-ാം ജന്മദിനാചരണം മാർച്ച് മൂന്നിന് ….
ഇരിങ്ങാലക്കുട : കഥകളി നടനും ഉണ്ണായിവാര്യർ സ്മാരക കലാനിലയം പ്രിൻസിപ്പലുമായിരുന്ന പള്ളിപ്പുറം ഗോപാലനായരാശാൻ്റെ 112 -ാം ജന്മദിനം ആചരിക്കുന്നു. മാർച്ച് 3 ന് 4 മണിക്ക് കലാനിലയം ഹാളിൽ നടക്കുന്ന ചടങ്ങ് ഐസിഎൽ ഗ്രൂപ്പ് ചെയർമാൻ കെ ജി അനിൽകുമാർ ഉദ്ഘാടനം ചെയ്യുമെന്ന് അനുസ്മരണ സമിതി പ്രസിഡണ്ട് വി കെ ലക്ഷ്മണൻനായർ, സെക്രട്ടറി കലാനിലയം ഗോപി എന്നിവർ പത്ര സമ്മേളനത്തിൽ അറിയിച്ചു. നഗരസഭ ചെയർപേഴ്സൺ സുജ സഞ്ജീവ്കുമാർ.മുഖ്യാതിഥിയായി പങ്കെടുക്കും. കലാനിലയം വിദ്യാർഥികളിൽ നിന്നും തിരഞ്ഞെടുക്കപ്പെട്ട ആറ് പേരെ പള്ളിപ്പുറം അവാർഡ് നൽകി ആദരിക്കും. തുടർന്ന് ലവണാസുരവധം കഥകളി അരങ്ങേറും. സംഘാടകരായ കലാനിലയം രാഘവൻ, പ്രൊഫ. സാവിത്രി ലക്ഷ്മണൻ, കലാമണ്ഡലം നാരായണൻ എമ്പ്രാന്തിരി എന്നിവരും പത്രസമ്മേളനത്തിൽ പങ്കെടുത്തു.
