പുഴയിലേക്ക് കാല്‍വഴുതി വീണ് ഇരിങ്ങാലക്കുട ഗവ. ഗേൾസ് സ്കൂളിലെ വിദ്യാർഥിനി മരിച്ചു….
കൊടകര: കുറുമാലിപുഴയിലെ ആറ്റപ്പിള്ളികടവില്‍ പുഴയിലേക്ക് കാല്‍വഴുതി വീണ് പെണ്‍കുട്ടി മരിച്ചു. കല്ലേറ്റുംകര ചെമ്പോത്ത് പറമ്പില്‍ ഹാഷിമിന്‍റെ മകള്‍ ഫാത്തിമ തൻസിൽ (13) യാണ് മരിച്ചത്. ഞായറാഴ്ച വൈകീട്ട് നാലോടെയാണ് സംഭവം. മറ്റത്തൂരിലുള്ള ബന്ധുവീട്ടിലെത്തിയ കുട്ടി അമ്മയോടും മറ്റ് ബന്ധുക്കളോടുമൊപ്പം പുഴയോരത്ത് എത്തിയതായിരുന്നു. അബദ്ധത്തില്‍ കാല്‍ വഴുതി പുഴയില്‍ വീണ കുട്ടിയെ പുതുക്കാട് ഫയർ ഫോഴ്സിൻ്റെയും കൊടകര പോലീസിൻ്റെയും നാട്ടുകാരുടെയും നേത്യത്വത്തിൽ മുങ്ങിയെടുത്ത് കൊടകരയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇരിങ്ങാലക്കുട ഗവൺ‌മെന്‍റ് ഗേള്‍സ് ഹൈസ്‌കൂളിലെ എട്ടാം ക്ലാസ് വിദ്യാര്‍ഥിനിയാണ്. അജിയാണ് അമ്മ . സൂറാ തസ്നിം ,ഉമ്മുൾ ഖുൽസു എന്നിവർ സഹോദരങ്ങളാണ്. കൊടകര പോലീസ് തുടർനടപടികൾ സ്വീകരിച്ചു.
