തണ്ണീർമത്തൻ ജ്യൂസിന് വില 175 രൂപ; ക്രൈസ്റ്റ് കോളേജ് റോഡിൽ പ്രവർത്തിക്കുന്ന സോൾ കിച്ചണിൽ അധികൃതരുടെ പരിശോധന …
ഇരിങ്ങാലക്കുട : തണ്ണീർമത്തൻ ജ്യൂസിന് 175 രൂപ ഇരിങ്ങാലക്കുട ക്രൈസ്റ്റ് കോളേജ് റോഡിൽ പ്രവർത്തിക്കുന്ന ” സോൾ കിച്ചൺ ” ഹോട്ടൽ ഈടാക്കിയെന്ന പരാതിയിൽ അധികൃതരുടെ പരിശോധന. ഇത് സംബന്ധിച്ച് കഴിഞ്ഞ ദിവസം സോഷ്യൽ മീഡിയയിൽ വന്ന പോസ്റ്റ് എറെ ചർച്ചകൾക്ക് ഇടയാക്കിയിരുന്നു. ഇരിങ്ങാലക്കുടയിൽ ഉള്ള ബന്ധു വീട്ടിൽ വന്ന് മടങ്ങുകയായിരുന്ന ആറംഗ സംഘം സോൾ കിച്ചണിൽ കയറി തണ്ണീർമത്തൻ ജ്യൂസും രണ്ട് കുപ്പി വെള്ളവും വാങ്ങിയെന്നും നികുതികൾ അടക്കം 1145 രൂപ ഈടാക്കിയെന്നും ബിൽ സഹിതം പത്മദാസ് എന്ന പേരിൽ ഒരാൾ പോസ്റ്റ് ഇട്ടിരുന്നു. അന്വേഷണത്തിൻ്റെ ഭാഗമായി ബുധനാഴ്ച ഉച്ചയോടെയാണ് ഹോട്ടലിൽ മൂന്നംഗ സിവിൽ സപ്ലൈസ് സംഘം എത്തിയത്. മെനു കാർഡിൽ വ്യക്തമാക്കിയിട്ടുള്ള നിരക്ക് തന്നെയാണ് ഈടാക്കിയിട്ടുള്ളത് എന്നതായിരുന്നു ഹോട്ടൽ അധികൃതരുടെ വിശദീകരണമെന്നും ഇത് സംബന്ധിച്ച് അടുത്ത ദിവസം തന്നെ ജില്ലാ അധികാരികൾക്ക് റിപ്പോർട്ട് നൽകുമെന്നും സിവിൽ സപ്ലൈസ് ഉദ്യോഗസ്ഥർ അറിയിച്ചു.
