ക്രൈസ്റ്റ് കോളേജ് റോഡിൽ സ്വകാര്യ ബസ്സിന് നേരെ കല്ലേറ്; കല്ലേറിൽ മുൻഭാഗത്തെ ചില്ല് തകർന്നു; കല്ലെറിഞ്ഞത് ബസ്സിന് കൈ കാണിച്ച നിറുത്തിയപ്പോഴെന്ന് ജീവനക്കാർ….
ഇരിങ്ങാലക്കുട :ഇരിങ്ങാലക്കുട -കല്ലൂർ റൂട്ടിൽ സർവീസ് നടത്തുന്ന ശാലോം ബസ്സിന് നേരെ കല്ലേറ്. കല്ലേറിൽ ബസ്സിൻ്റെ മുൻ ചില്ല് തകർന്നു. ക്രൈസ്റ്റ് കോളേജ് റോഡിൽ വച്ച് ഉച്ചയ്ക്ക് രണ്ടരയോടെ ആയിരുന്നു സംഭവം. ഹെൽമറ്റ് ധരിച്ച വിദ്യാർത്ഥി എന്ന് തോന്നിക്കുന്ന ഒരാൾ ബസ്സിന് കൈ കാണിക്കുകയും ബസ്സ് നിറുത്തിയപ്പോൾ കരിങ്കല്ല് എറിയുകയും ഹെൽമറ്റ് ധരിച്ച മറ്റൊരാളുടെ കൂടെ ബൈക്കിൽ കയറി രക്ഷപ്പെടുകയുമായിരുന്നുമെന്ന് ഡ്രൈവർ മുരിയാട് സ്വദേശി അനു പറഞ്ഞു. ബസ്സിൻ്റെ മുൻഭാഗത്ത് യാത്രക്കാരായി സ്കൂൾ വിദ്യാർഥികൾ ഉണ്ടായിരുന്നു. ആർക്കും പരിക്കില്ല. 20,000 രൂപയുടെ നഷ്ടം ഉണ്ടായതായും ഇത് സംബന്ധിച്ച് പോലീസിൽ പരാതി നൽകിയതായും ജീവനക്കാർ അറിയിച്ചു.
