ക്ഷേത്രദർശനത്തിന് പോവുകയായിരുന്ന ഇരിങ്ങാലക്കുട പേഷ്ക്കാർ റോഡ് സ്വദേശിനിയായ വീട്ടമ്മയുടെ ആറ് പവൻ വരുന്ന മാല കവർന്നു….
ഇരിങ്ങാലക്കുട : ക്ഷേത്ര ദർശനത്തിന് പോവുകയായിരുന്ന ഭക്തയുടെ ആറ് പവൻ വരുന്ന മാല ബൈക്കിൽ എത്തിയ സംഘം കവർന്നു. ഇരിങ്ങാലക്കുട കൂടൽമാണിക്യ ക്ഷേത്രത്തിലെ കാരായ്മ കുടുംബത്തിലെ അംഗമായ പേഷ്ക്കാർ റോഡിൽ കൃഷ്ണസദനത്തിൽ താമസിക്കുന്ന വിജയൻ മാരാരുടെ ഭാര്യ ഗീതയുടെ ( 56 വയസ്സ്) മാലയാണ് നഷ്ടപ്പെട്ടത്. രാവിലെ പത്തരയോടെ പേഷ്ക്കാർ റോഡിനെയും തെക്കേ നട റോഡിനെയും ബന്ധിപ്പിക്കുന്ന രാമൻ ചിറ റോഡിൽ വച്ചായിരുന്നു സംഭവം. ഇവർ കൂടൽമാണിക്യക്ഷേത്ര ദർശനത്തിന് പോവുകയായിരുന്നു. ഇരിങ്ങാലക്കുട പോലീസ് സ്ഥലത്ത് എത്തി പരിസരത്ത് സ്ഥാപിച്ചിട്ടുള്ള സിസി ക്യാമറകളെ കേന്ദ്രീകരിച്ച് അന്വേഷണം ആരംഭിച്ചു.
Please follow and like us:
