രാഹുൽ മാങ്കൂട്ടത്തലിന്റെ അറസ്റ്റ് ; പോലീസ് ആസ്ഥാനത്തിലേക്ക് നൈറ്റ് മാർച്ചുമായി കോൺഗ്രസ്സ് പ്രവർത്തകർ …
ഇരിങ്ങാലക്കുട: യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെ അറസ്റ്റ് ചെയ്തതിൽ പ്രതിഷേധിച്ചു പോലീസ് ആസ്ഥാനത്തേക്ക് നൈറ്റ് മാർച്ചുമായി കോൺഗ്രസ്സ് പ്രവർത്തകർ . ബ്ലോക്ക് പ്രസിഡണ്ട് സോമൻ ചിറ്റേത്തിന്റെ നേത്യത്വത്തിൽ എസ് പി ഓഫീസിലേക്ക് നടത്തിയ മാർച്ച് മാർവെൽ ജംഗ്ഷനിൽ വച്ച് പോലീസ് തടഞ്ഞു. നൈറ്റ് മാർച്ച് കെപിസിസി മുൻ ജനറൽ സെക്രട്ടറി എം പി ജാക്സൺ ഉദ്ഘാടനം ചെയ്തു. ഡിസിസി സെക്രട്ടറിമാരായ ആന്റോ പെരുമ്പിള്ളി, സോണിയ ഗിരി, സതീഷ് വിമലൻ, മണ്ഡലം പ്രസിഡണ്ടുമാരായ അബ്ദുൽ ഹഖ് സി എസ്, ബൈജു കുറ്റിക്കാടൻ, സാജു പാറേക്കാടൻ, ബാബു തോമസ്, കെ രാജു, മുനിസിപ്പൽ ചെയർപേഴ്സൺ സുജ സഞ്ജീവ്കുമാർ, വൈസ് ചെയർമാൻ ടിവി ചാർലി, ബ്ലോക്ക് ഭാരവാഹികളായ എം ആർ ഷാജു, വി സി വർഗീസ്, തോമസ് തത്തംപള്ളി, എ സി ജോൺസൺ, എം എൻ രമേശ്, റോയ് ജെ കളത്തിങ്കൽ, ചന്ദ്രശേഖരൻ, അബ്ദുള്ളക്കുട്ടി, യൂത്ത് കോൺഗ്രസ് നിയോജകമണ്ഡലം പ്രസിഡണ്ട് സനൽ കല്ലൂക്കാരൻ, മഹിളാ കോൺഗ്രസ് ബ്ലോക്ക് പ്രസിഡണ്ട് മോളി ജേക്കബ് തുടങ്ങിയവർ നേതൃത്വം നൽകി.
