ഇരിങ്ങാലക്കുട എസ് എൻ വൈ എസ് സമാജം വക ശ്രീ വിശ്വനാഥപുരം ക്ഷേത്രത്തിലെ കാവടി പൂര മഹോൽസവത്തിന് ജനുവരി 24 ന് കൊടിയേറ്റും …
ഇരിങ്ങാലക്കുട : ഇരിങ്ങാലക്കുട എസ് എസ് എൻ ബി എസ് സമാജം വക ശ്രീ വിശ്വനാഥപുരം ക്ഷേത്രത്തിലെ കാവടി പൂര മഹോൽസവത്തിന് ജനുവരി 24 ന് കൊടിയേറ്റും. മഹോൽസവം ജനുവരി 24 മുതൽ 31 വരെയുള്ള ദിവസങ്ങളിലായി ആഘോഷിക്കുമെന്ന് സമാജം പ്രസിഡന്റ് കിഷോർകുമാർ നടുവളപ്പിൽ , സെക്രട്ടറി വേണു തോട്ടുങ്ങൽ എന്നിവർ പത്ര സമ്മേളനത്തിൽ അറിയിച്ചു. ക്ഷേത്ര ചടങ്ങുകൾ , അന്നദാനം, പുല്ലൂർ, തുറവൻകാട്, ടൗൺ പടിഞ്ഞാട്ടുമുറി, കോമ്പാറ എന്നീ പ്രാദേശിക വിഭാഗങ്ങളിൽ നിന്നുള്ള കാവടി വരവ്, കാഴ്ചശീവേലി, പൂരം എഴുന്നെള്ളിപ്പ്, പാണ്ടിമേളം, വർണ്ണ മഴ , പള്ളിവേട്ട എഴുന്നള്ളിപ്പ് , ആറാട്ട് എന്നിവയാണ് പ്രധാന പരിപാടികൾ. പൂര മഹോൽസവത്തോടനുബന്ധിച്ച് നടത്താറുള്ള നാടക മത്സരം 24 ന് വൈകീട്ട് 7.30 ന് ചലച്ചിത്ര സംവിധായകൻ ശ്യാമപ്രസാദ് ഉദ്ഘാടനം ചെയ്യും. വിജയികൾക്ക് 30 ന് വൈകീട്ട് 7 ന് നടക്കുന്ന ചടങ്ങിൽ ചലച്ചിത്രതാരം ശ്രീരേഖ രാജഗോപാൽ സമ്മാനങ്ങൾ വിതരണം ചെയ്യും. സമാജം ട്രഷറർ ദിനേഷ്കുമാർ എളന്തോളി, സമാജം വികസനസമിതി കൺവീനർ എം കെ വിശ്വംഭരൻ മുക്കുളം, എസ് എൻ വൈ എസ് പ്രസിഡണ്ട് അനീഷ് കെ യു , സെക്രട്ടറി വിജു കൊറ്റിക്കൽ എന്നിവരും പത്ര സമ്മേളനത്തിൽ പങ്കെടുത്തു.
