ഗാന്ധിജിയുടെ ഇരിങ്ങാലക്കുട സന്ദർശനത്തിന്റെ നവതി ആഘോങ്ങളുടെ സമാപനം ജനുവരി 17 ന് ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്യും …
ഇരിങ്ങാലക്കുട : ഗാന്ധിജിയുടെ ഇരിങ്ങാലക്കുട സന്ദർശനത്തിന് 90 വർഷം തികയുന്ന 2024 ജനുവരി 17 ന് നീഡ്സിന്റെ ആഭിമുഖ്യത്തിൽ നടത്തി വന്ന നവതി ആഘോഷങ്ങളുടെ സമാപനം നടക്കും. ടൗൺ ഹാളിൽ 3.30 ന് നടക്കുന്ന സമാപന സമ്മേളനം കേരള ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്യുമെന്ന് നീഡ്സ് പ്രസിഡണ്ട് അഡ്വ തോമസ് ഉണ്ണിയാടൻ പത്രക്കുറിപ്പിൽ അറിയിച്ചു. ഹരിജന ഫണ്ട് ശേഖരണാർത്ഥം 1934 ജനുവരി 17 ന് ഗാന്ധിജി നടത്തിയ ഇരിങ്ങാലക്കുട സന്ദർശനത്തിന് 90 വർഷം തികയുന്ന വേളയിൽ സാമൂഹ്യ സാംസ്കാരിക സംഘടനയായ നീഡ്സിന്റെ ആഭിമുഖ്യത്തിൽ പദയാത്ര, സെമിനാറുകൾ, നമ്മേളനങ്ങൾ ഉൾപ്പെടെ വൈവിധ്യമാർന്ന പരിപാടികളാണ് കഴിഞ്ഞ ഒരു വർഷമായി സംഘടിപ്പിച്ചതെന്നും പത്രക്കുറിപ്പിൽ വ്യക്തമാക്കിയിട്ടുണ്ട്.
