ലയൺസ് ക്ലബ്ബിന്റെ നേതൃത്വത്തിൽ ചെസ് ടൂർണമെന്റിന് തുടക്കമായി ; പങ്കെടുക്കുന്നത് മൂന്ന് ജില്ലകളിൽ നിന്നായി 200 ഓളം കളിക്കാർ …
ഇരിങ്ങാലക്കുട : ലയൺസ് ക്ലബ് ഡിസ്ട്രിക്റ്റ് 318 D യുടെ നേതൃത്വത്തിൽ ഇരിങ്ങാലക്കുട ലയൺസ് ക്ലബിന്റെ സഹകരണത്തോടെ ഇരിങ്ങാലക്കുട സെന്റ് ജോസഫ് കോളേജിൽ വച്ച് സംഘടിപ്പിക്കുന്ന മലപ്പുറം,പാലക്കാട്, തൃശൂർ ജില്ലകളിൽ നിന്നുള്ള 15 വയസ്സിൽ താഴെ പ്രായമുള്ള ആൺകുട്ടികളെയും പെൺകുട്ടികളെയും പങ്കെടുപ്പിച്ചുകൊണ്ട് നടത്തുന്ന ചതുരംഗം 23 ചെസ് ടൂർണമെന്റിന്റെ ഉദ്ഘാടനം ഡിസ്ട്രിക്റ്റ് ഗവർണർ ടോണി എനോക്കാരൻ നിർവ്വഹിച്ചു. സെന്റ് ജോസഫ് കോളേജ് പ്രിൻസിപ്പൽ സി. ബ്ലെസി മുഖ്യാതിഥി ആയിരുന്നു. ലയൺസ് ക്ലബ് പ്രസിഡണ്ട് അഡ്വ ജോൺ നിധിൻ തോമസ്, പ്രോഗ്രാം കോ ഓർഡിനേറ്റർ പോൾ തോമസ് മാവേലി, ഡിസ്ട്രിക്ട് ലയൺ ലേഡീ സർക്കിൾ പ്രസിഡണ്ട് റോണി പോൾ,മനോജ് ഐബൻ , ബിജു ജോസ് , പീറ്റർ ജോസഫ് , എന്നിവർ സംസാരിച്ചു. മൂന്ന് ജില്ലകളിൽ നിന്നും ആയി ഏകദേശം 200 ഓളം കളിക്കാർ മത്സരങ്ങളിൽ പങ്കെടുക്കുന്നുണ്ട്. മത്സരത്തിൽ നിന്നും തെരഞ്ഞെടുക്കപ്പെടുന്ന 25 ആൺകുട്ടികൾക്കും 25 പെൺകുട്ടികൾക്കും എറണാകുളത്ത് ജനുവരി 19ന് നടക്കുന്ന സംസ്ഥാനതല ചെസ്സ് ടൂർണമെന്റിൽ പങ്കെടുക്കുന്നതിന് അവസരം ലഭിക്കും.
