പട്ടണത്തിലെ വ്യാപാര സമുച്ചയത്തില്‍ തീ, പടരും മുമ്പേ ജീവനക്കാർ തന്നെ തീ അണച്ചു…
ഇരിങ്ങാലക്കുട: ബഹുനില വ്യാപാര സമുച്ചയത്തില്‍ തീ കണ്ടത് ജനങ്ങളില്‍ പരിഭ്രാന്തി പടര്‍ത്തി. നിമിഷ നേരം കൊണ്ട് വ്യാപാര സ്ഥാപനത്തിലെ ജീവനക്കാര്‍ തന്നെ തീ അണച്ചത് ഏറെ ആശ്വാസമായി. ഇരിങ്ങാലക്കുട ബസ്സ് – സ്റ്റാന്റ് -എകെപി റോഡിലുള്ള പാം മാളിലെ ഒന്നാം നിലയിലാണ് തീ കണ്ടത്. സീലിംഗിലെ എല്‍ഇഡി ബള്‍ബില്‍ നിന്നുണ്ടായ ഷോര്‍ട്ട് സര്‍ക്യൂട്ടാണ് തീ ഉണ്ടാകുവാന്‍ കാരണമായി കരുതുന്നത്. ഉടന്‍ തന്നെ മാളിനുള്ളിലെ വ്യാപാര സ്ഥാപനത്തിലെ ജീവനക്കാർ തന്നെ തീയണക്കുകയായിരുന്നു. ഇരിങ്ങാലക്കുട ഫയര്‍ സ്റ്റേഷന്‍ മാസ്റ്റര്‍ ഗോപാലകൃഷ്ണന്‍ മാവിലയുടെ നേതൃത്വത്തിലുള്ള അഗ്നിശമന രക്ഷാസേനയിലെ ജീവനക്കാരും സ്ഥലത്തെത്തിയിരുന്നു.
Please follow and like us:
