നവകേരള സദസ്സിന്റെ പേരിൽ കോൺഗ്രസ്സ് – യൂത്ത് കോൺഗ്രസ് പ്രവർത്തകരെ മർദ്ദിക്കുന്നതിൽ പ്രതിഷേധിച്ച് ഇരിങ്ങാലക്കുട – പൊറത്തിശ്ശേരി മണ്ഡലം കമ്മിറ്റികളുടെ നേതൃത്വത്തിൽ പോലീസ് സ്റ്റേഷൻ മാർച്ച് …
ഇരിങ്ങാലക്കുട : നവകേരള സദസ്സിനെതിരെ പ്രതിഷേധിച്ച കെഎസ് യു – യൂത്ത് കോൺഗ്രസ് പ്രവർത്തകരെ മർദ്ദിച്ച പോലീസ് നടപടിക്കെതിരെ ഇരിങ്ങാലക്കുട ടൗൺ – പൊറത്തിശ്ശേരി കോൺഗ്രസ്സ് മണ്ഡലം കമ്മിറ്റികളുടെ നേതൃത്വത്തിൽ പോലീസ് സ്റ്റേഷൻ മാർച്ച്. പൂതംക്കുളം മൈതാനിയിൽ നിന്ന് പോലീസിനും സർക്കാരിനുമെതിരെ മുദ്രാവാക്യങ്ങൾ വിളിച്ച് ആരംഭിച്ച മാർച്ച് കാട്ടുങ്ങച്ചിറയിൽ വച്ച് ബാരിക്കേഡുകൾ വച്ച് പോലീസ് തടഞ്ഞു. ഡിസിസി സെക്രട്ടറി ആന്റോ പെരുമ്പിള്ളി മാർച്ച് ഉദ്ഘാടനം ചെയ്തു. ടൗൺ മണ്ഡലം പ്രസിഡന്റ് സി എസ് അബ്ദുൾഹഖ് അധ്യക്ഷത വഹിച്ചു. ഡിസിസി സെക്രട്ടറിമാരായ സോണിയ ഗിരി, സതീഷ് വിമലൻ, പൊറത്തിശ്ശേരി മണ്ഡലം പ്രസിഡന്റ് ബൈജു കുറ്റിക്കാടൻ തുടങ്ങിയവർ പ്രസംഗിച്ചു.
