ക്രൈസ്റ്റ് കോളേജിലെ മുൻകാല എൻഎസ്എസ് വളണ്ടിയർമാരുടെ 16 – മത് സംഗമം ഡിസംബർ 9 ന് ….
ഇരിങ്ങാലക്കുട : ക്രൈസ്റ്റ് കോളേജിലെ എൻഎസ്എസ് ഓൾഡ് വളണ്ടിയേഴ്സ് അസോസിയേഷൻ ആയ നോവയുടെ 16 മത് സ്നേഹസംഗമം ഡിസംബർ 9 രാവിലെ 9 മുതൽ വൈകീട്ട് 5 വരെ കോളേജ് ഓഡിറ്റോറിയത്തിൽ നടക്കും. കോളേജ് പ്രിൻസിപ്പൽ ഫാ. ജോളി ആൻഡ്രൂസ് സമ്മേളനം ഉദ്ഘാടനം ചെയ്യും. കെ ആർ നാരായണൻ ഇൻസ്റ്റിറ്റ്യൂട്ട് ഡയറക്ടർ പി ആർ ജിജോയ്, പത്രപ്രവർത്തകൻ ലോനപ്പൻ കടമ്പോട്, പരിസ്ഥിതി പ്രവർത്തകൻ അഭി തുമ്പൂർ, സാംസ്കാരിക പ്രവർത്തകൻ ജോഷി ആന്റണി എന്നിവരെയും വിവിധ പരീക്ഷകളിൽ ഉന്നതവിജയം നേടിയ നോവ കുടുംബാംഗങ്ങളെയും ചടങ്ങിൽ ആദരിക്കുമെന്ന് പ്രിൻസിപ്പൽ ഫാ. ജോളി ആൻഡ്രൂസ്, കോളേജ് മാനേജർ ഫാ. ജോയ് പീണിക്കപ്പറമ്പിൽ , നോവ ചെയർമാൻ സുരേഷ് കടുപ്പശ്ശേരിക്കാരൻ എന്നിവർ പത്ര സമ്മേളനത്തിൽ അറിയിച്ചു. രാജ്യത്ത് ആദ്യമായി മുൻകാല എൻഎസ്എസ് വളണ്ടിയർമാരുടെ സംഘടന ആരംഭിക്കുന്നത് ക്രൈസ്റ്റ് കോളേജിലാണെന്നും കഴിഞ്ഞ ഒരു വർഷത്തിനുള്ളിൽ വൈവിധ്യമാർന്ന പ്രവർത്തനങ്ങളാണ് നോവയുടെ നേത്യത്വത്തിൽ നടപ്പിലാക്കിയതെന്നും ഇവർ അറിയിച്ചു. നോവ സ്ഥാപകൻ പ്രൊഫ കെ ജെ ജോസഫ് , ജോയിന്റ് കൺവീനർ എം കെ മുരളിമാസ്റ്റർ, ടെൽസൺ കോട്ടാളി , പ്രോഗ്രാം ഓഫീസർമാരായ ഷിന്റോ വി പി , ജിൻസി എസ് ആർ എന്നിവരും പത്ര സമ്മേളനത്തിൽ പങ്കെടുത്തു.
