ഒൻപത് കുപ്പി വിദേശമദ്യവുമായി വെള്ളാങ്ങല്ലൂർ സ്വദേശി പിടിയിൽ ; ഫോണിൽ ബന്ധപ്പെടുന്നവർക്ക് വീടുകളിൽ വരെ പ്രതി മദ്യം എത്തിച്ച് നൽകിയിരുന്നതായി പോലീസ് …
ഇരിങ്ങാലക്കുട : ഫോണിൽ ബന്ധപ്പെട്ടാൽ ആവശ്യാനുസരണം മദ്യം എത്തിച്ചു കൊടുക്കുന്നയാൾ പിടിയിൽ. ഇരിങ്ങാലക്കുട ഇൻസ്പെക്ടർക്ക് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ കോണത്തുക്കുന്ന് ആലുക്കത്തറ വെച്ച് തെക്കുംകര നമ്പ്യാട്ട് സുബ്രമണ്യൻ മകൻ സുനിൽകുമാർ (54 വയസ്സ് ) എന്ന ആളാണ് ഒൻപത് കുപ്പി മദ്യവുമായി സി ഐ അനിഷ് കരീമിൻ്റെ നേതൃത്വത്തിലുള്ള സംഘത്തിന്റെ പിടിയിലായത്. വെള്ളാങ്ങല്ലൂർ പഞ്ചായത്ത് മേഖലയിൽ അനധികൃത മദ്യം വ്യാപകമാണെന്ന പരാതിയിൽ പോലീസ് ദിവസങ്ങളോളം നിരീക്ഷണം നടത്തിയാണ് പ്രതിയെ കുടുക്കിയത്. പിടികൂടിയതിന് ശേഷവും പ്രതിയുടെ ഫോണിലേക്ക് ആവശ്യക്കാർ വിളിച്ച് കൊണ്ടിരിക്കുകയാണ്. സംഘത്തിൽ എസ് ഐ മാരായ എം എസ് ഷാജൻ, എൻ കെ അനിൽകുമാർ, കെ പി ജോർജ്ജ് , മറ്റ് ഉദ്യോഗസ്ഥരായ
മുഹമ്മദ് രാഷി,പ്രസന്നകുമാർ , അർജ്ജുൻ പെരുമ്പിള്ളിശേരി, സുരേഷ് പാമ്പൂർ , മുഹമ്മദ്, സബീഷ് എന്നിവരും ഉണ്ടായിരുന്നു.
