വൈദ്യുതി നിരക്ക് വർധന ; പ്രതിഷേധ മാർച്ചും ധർണ്ണയുമായി എൻഡിഎ പ്രവർത്തകർ …
ഇരിങ്ങാലക്കുട : വൈദ്യുതി നിരക്ക് വർധിപ്പിച്ച് കേരള ജനതയെ ദുരിതത്തിൽ ആക്കിയ പിണറായി സർക്കാരിന്റെ നടപടിക്കെതിരെ എൻഡിഎ യുടെ നേതൃത്വത്തിൽ കെഎസ്ഇബി ഓഫീസിലേക്ക് പ്രതിഷേധ മാർച്ചും ധർണ്ണയും. കുട്ടംകുളം പരിസരത്ത് നിന്ന് ആരംഭിച്ച മാർച്ച് കെഎസ്ഇബി ഓഫീസിന് മുന്നിൽ സമാപിച്ചു.ബിജെപി ജില്ല വൈസ് – പ്രസിഡണ്ട് സർജ്ജു തൊയ്ക്കാവ് മാർച്ചും ധർണ്ണയും ഉദ്ഘാടനം ചെയ്തു. മണ്ഡലം പ്രസിഡണ്ട് ക്യപേഷ് ചെമ്മണ്ട അധ്യക്ഷത വഹിച്ചു. ബിജെപി സംസ്ഥാന കൗൺസിൽ മെമ്പർ കെ സി വേണു മാസ്റ്റർ, ജില്ലാ വൈസ് – പ്രസിഡണ്ട് കവിത ബിജു ,ബിഡിജെഎസ് മണ്ഡലം ജനറൽ സെക്രട്ടറി നന്ദൻ എന്നിവർ പ്രസംഗിച്ചു. ബിഡിജെഎസ് മണ്ഡലം പ്രസിഡന്റ് ജയചന്ദ്രൻ സ്വാഗതവും ബിജെപി മണ്ഡലം ജനറൽ സെക്രട്ടറി ഷൈജു കുറ്റിക്കാട്ട് നന്ദിയും പറഞ്ഞു.
Please follow and like us:
