കെഎസ് പാർക്കിന്റെ ആഭിമുഖ്യത്തിൽ ശിശുദിനാഘോഷങ്ങളുടെ ഭാഗമായുള്ള ബാലകലോൽസവം നവംബർ 10 , 11, 12, 13, 14 തീയതികളിൽ …
ഇരിങ്ങാലക്കുട : ശിശുദിനാഘോഷങ്ങളുടെ ഭാഗമായി കെഎസ് പാർക്കിന്റെ ആഭിമുഖ്യത്തിൽ സ്കൂൾ വിദ്യാർഥികളെ പങ്കെടുപ്പിച്ചു കൊണ്ട് നവംബർ 10 മുതൽ 14 വരെ അഖില കേരള ചിത്രരചന മൽസരവും മറ്റ് കലാമൽസരങ്ങളും സംഘടിപ്പിക്കുന്നു.കെജി, യുപി, എൽപി ,എച്ച്എസ് വിഭാഗങ്ങളിൽ നിന്നായി 2500 ൽ അധികം കുട്ടികളാണ് ചിത്രരചന, സിംഗിൾ ഡാൻസ് , ഗ്രൂപ്പ് ഡാൻസ് , സിനിമാറ്റിക് ഡാൻസ് , ഫാൻസി ഡ്രസ്സ് , ലളിതഗാനം, സംഘഗാനം, പ്രസംഗ മൽസരം, വെസ്റ്റാ ബേബി പ്രിൻസ് ആന്റ് പ്രിൻസസ് എന്നീ ഇനങ്ങളിലായി നടക്കുന്ന മൽസരങ്ങളിൽ പങ്കെടുക്കുന്നതെന്ന് കെഎസ്ഇ എം ഡി എം പി ജാക്സൻ , ജനറൽ മാനേജർ എം അനിൽ എന്നിവർ പത്ര സമ്മേളനത്തിൽ അറിയിച്ചു. 14 ന് വൈകീട്ട് നടക്കുന്ന സമാപന സമ്മേളനത്തിൽ ജില്ലാ കളക്ടർ കൃഷ്ണതേജ ഐഎഎസ് സമ്മാനദാനം നിർവഹിക്കും. നഗരസഭ ചെയർപേഴ്സൺ സുജ സഞ്ജീവ്കുമാർ അധ്യക്ഷത വഹിക്കും. കെഎസ്ഇ പേഴ്സണൽ മാനേജർ അജോയ് ആന്റോ ബേബി, പേഴ്സണൽ മാനേജർ എം പി അനിൽകുമാർ എന്നിവരും പത്ര സമ്മേളനത്തിൽ പങ്കെടുത്തു.
