പോക്സോ കേസ്സിൽ ചാലക്കുടി, പുതുക്കാട് സ്വദേശികളായ രണ്ട് പേർ അറസ്റ്റിൽ …
ഇരിങ്ങലക്കുട : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസ്സിൽ രണ്ടു യുവാക്കൾ അറസ്റ്റിലായി. ചാലക്കുടി ചട്ടിക്കുളം സ്വദേശി കുന്നത്തുപറമ്പിൽ സ്റ്റെഫിൻ ( 25 വയസ്സ്), പുതുക്കാട് സ്വദേശി കൊളങ്ങാടൻ സിൽജോ (33 വയസ്സ്) എന്നിവരെയാണ് തൃശൂർ റൂറൽ എസ്.പി. ഐശ്വര്യ ഡോങ്ങ്ഗ്രേയുടെ നിർദ്ദേശപ്രകാരം ഇരിങ്ങാലക്കുട ഡി.വൈ.എസ്.പി. ടി.കെ.ഷൈജു അറസ്റ്റു ചെയ്തത്. കേസ്സിൽ ഒന്നാം പ്രതിയായ സ്റ്റെഫിനെതിരെ പട്ടികജാതി പീഡന നിരോധന നിയമപ്രകാരവുമാണ് അറസ്റ്റ്. ഇൻസ്റ്റഗ്രാം വഴിയാണ് ഇയാൾ പെൺകുട്ടിയുമായി പരിചയത്തിലാകുന്നത്. പെൺകുട്ടിയുടെ പരാതിയെ തുടർന്ന് ചേർപ്പ് സ്റ്റേഷനിൽ രജിസ്റ്റർ ചെയ്ത കേസ്സിൽ വിശദമായ അന്വേഷണം നടത്തിയാണ് ഇരുവരെയും അറസ്റ്റ് ചെയ്തത്. ഇക്കഴിഞ്ഞ ഓഗസ്റ്റ് മാസത്തിൽ പെൺകുട്ടിയെ സൗഹൃദത്തിൽ ഓട്ടോയിൽ കയറ്റിക്കൊണ്ടുപോയി രാത്രി ആളൊഴിഞ്ഞ സ്ഥലങ്ങളിൽ വച്ചാണ് പീഡനത്തിനിരയാക്കിയത്. സ്റ്റെഫിനെ തിങ്കളാഴ്ച രാത്രിയും, സിൽജോയെ ചൊവ്വാഴ്ചയുമാണ് കസ്റ്റഡിയിൽ എടുത്തത്. ചേർപ്പ് എസ്.ഐ. എസ്.ശ്രീലാൽ,തോമസ് എ.എസ്.ഐ എം.സുമൽ, സീനിയർ സി.പി.ഒമാരായ ഇ.എസ്. ജീവൻ , ജിബിൻ ജോസഫ്, കെ.എസ്. ഉമേഷ്, കെ.ബി.ഷറഫുദ്ദീൻ, കെ.എസ്.സുനിൽകുമാർ, എന്നിവരാണ് പോലീസ് സംഘത്തിൽ ഉണ്ടായിരുന്നത്. കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.
