ഭവൻസ് ഫെസ്റ്റ് ; കാറ്റഗറി ഒന്ന്, രണ്ട് മൽസരങ്ങളിൽ കാക്കനാട് ഭവൻസ് ആദർശ് വിദ്യാലയ ജേതാക്കൾ …
ഇരിങ്ങാലക്കുട : ഭാരതീയ വിദ്യാഭവൻ ഇരിങ്ങാലക്കുട കേന്ദ്രത്തിൽ നടന്ന ഭവൻസ് സ്കൂളുകളുടെ 25 മത് സംസ്ഥാന കലോത്സവത്തിൽ കാറ്റഗറി ഒന്നിലെയും രണ്ടിലെയും മത്സരങ്ങൾ കാറ്റഗറി ഒന്നിൽ 52 പോയിന്റും കാറ്റഗറി രണ്ടിൽ 82 പോയിന്റും നേടി ഭവൻസ് ആദർശ് വിദ്യാലയ കാക്കനാട് ജേതാക്കളായി . കാറ്റഗറി ഒന്നിൽ 43 പോയിന്റോടെ ഭവൻസ് വിദ്യാമന്ദിർ ഗിരീനഗർ രണ്ടാം സ്ഥാനം നേടി. കാറ്റഗറി രണ്ടിൽ 78 പോയിന്റോടെ ഭവൻസ് വിദ്യാ മന്ദിർ, ഏരൂർ രണ്ടാം സ്ഥാനം നേടി.25 സ്കൂളുകളിൽ നിന്നായി 400 ൽ പരം മത്സരാർത്ഥികൾ 19 ഇനങ്ങളിലായി പങ്കെടുത്തു. സമാപന സമ്മേളനത്തിൽ ചെയർമാൻ സി സുരേന്ദ്രൻ, സെക്രട്ടറി വി രാജൻ, പ്രിൻസിപ്പൽ ബിജു ഗീവർഗീസ്, വൈസ് പ്രിൻസിപ്പൽ ഗിരിജാമണി, കലോത്സവ കോഡിനേറ്റർ സുജാത രാമനാഥൻ, പിടിഎ പ്രസിഡന്റ് അബിൻ വെള്ളാനിക്കാരൻ എന്നിവർ സന്നിഹിതരായിരുന്നു. രാവിലെ നടന്ന ചടങ്ങിൽ തൃശ്ശൂർ റൂറൽ എസ്പി ഐശ്വര്യ ഡോംഗ്രേ ഐപിഎസ് ഭവൻസ് ഫെസ്റ്റ് ഉദ്ഘാടനം ചെയ്തു. കൂടിയാട്ട കലാകാരി കപില വേണു മുഖ്യാതിഥി ആയിരുന്നു.
