ഉപജില്ല കേരള സ്കൂൾ ശാസ്ത്രോൽസവം ; ഇരിങ്ങാലക്കുട ലിറ്റിൽ ഫ്ളവർ സ്കൂൾ ജേതാക്കൾ …
ഇരിങ്ങാലക്കുട : ഇരിങ്ങാലക്കുട വിദ്യാഭ്യാസ ഉപജില്ല കേരള സ്കൂൾ ശാസ്ത്രോൽസവത്തിൽ 580 പോയിന്റ്
നേടി ഇരിങ്ങാലക്കുട ലിറ്റിൽ ഫ്ളവർ സ്കൂൾ ജേതാക്കളായി. 544 പോയിന്റുമായി ആനന്ദപുരം ശ്രീകൃഷ്ണ സ്കൂളും 461 പോയിന്റുമായി ഇരിങ്ങാലക്കുട നാഷണൽ സ്കൂളുമാണ് രണ്ടും മൂന്നും സ്ഥാനങ്ങളിൽ. കാറളത്തെ നാല് വേദികളിലായിട്ടാണ് മൽസരങ്ങൾ നടന്ന മൽസരങ്ങളിൽ ഉപജില്ലയിലെ 112 വിദ്യാലയങ്ങളിൽ നിന്നായി 2500 ഓളം വിദ്യാർഥികളാണ് പങ്കെടുക്കുത്തത്. സമാപന സമ്മേളനം ജില്ലാ പഞ്ചായത്ത് വൈസ്-പ്രസിഡന്റ് ലത ചന്ദ്രൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ അധ്യക്ഷത വഹിക്കും. കാറളം വിഎച്ച്എസ്ഇ സ്കൂൾ മാനേജർ കാട്ടിക്കുളം ഭരതൻ സമ്മാനദാനം നിർവഹിച്ചു. ജിജി ആർ വി , കെ എസ് രമേഷ് , മോഹനൻ വലിയാട്ടിൽ , കാർത്തിക ജയൻ , സജിത്ത് പി പി ,
എം സി സുജാത , ടി എൻ മഞ്ജു, സി വി സ്വപ്ന എന്നിവർ സംസാരിച്ചു.
