ഇരിങ്ങാലക്കുട വിദ്യാഭ്യാസ ഉപജില്ലാ കേരള സ്കൂൾ ശാസ്ത്രോൽസവം ; 491 പോയിന്റുമായി ഇരിങ്ങാലക്കുട ലിറ്റിൽ ഫ്ളവർ സ്കൂൾ മുന്നിൽ …
ഇരിങ്ങാലക്കുട : ഇരിങ്ങാലക്കുട വിദ്യാഭ്യാസ ഉപജില്ല കേരള സ്കൂൾ ശാസ്ത്രോൽസവത്തിൽ 491 പോയിന്റുമായി ഇരിങ്ങാലക്കുട ലിറ്റിൽ ഫ്ളവർ സ്കൂൾ മുന്നിൽ. 451 പോയിന്റുമായി ആനന്ദപുരം ശ്രീകൃഷ്ണ സ്കൂളും 421 പോയിന്റുമായി ഇരിങ്ങാലക്കുട നാഷണൽ സ്കൂളുമാണ് രണ്ടും മൂന്നും സ്ഥാനങ്ങളിൽ. നന്തിക്കര ജിവിഎച്ച്എസ്എസ് 356 ഉം കരുവന്നൂർ സെന്റ് ജോസഫ്സ് സ്കൂൾ 329 പോയിന്റും നേടിയിട്ടുണ്ട്. കാറളത്തെ നാല് വേദികളിലായിട്ടാണ് മൽസരങ്ങൾ നടക്കുന്നത്. ഉപജില്ലയിലെ 112 വിദ്യാലയങ്ങളിൽ നിന്നായി 2500 ഓളം വിദ്യാർഥികളാണ് മൂന്ന് ദിവസങ്ങളിലായി നടക്കുന്ന മൽസരങ്ങളിൽ പങ്കെടുക്കുന്നത്. നാളെ 4.30 ന് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് പി കെ ഡേവിസ് മാസ്റ്റർ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ അധ്യക്ഷത വഹിക്കും. ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രൻ സമ്മാനദാനം നിർവഹിക്കും.
