രാജ്യത്തെ കർഷകരെ ആത്മഹത്യയിലേക്ക് നയിക്കുന്നതെന്ന് ഭരണകൂടനടപടികളെന്ന് മുൻമന്ത്രി വി.എസ്. സുനിൽകുമാർ ..
ഇരിങ്ങാലക്കുട: കൃഷി മുതൽ വിപണനം വരെ നേരിടുന്ന തീരാത്ത പ്രശ്നങ്ങളാണ് ഇന്ത്യയിലെ കർഷകരെ ആത്മഹത്യയിലേക്ക് നയിക്കുന്നതെന്ന് മുൻ മന്ത്രി വി എസ് സുനിൽകുമാർ . കിസാൻ സഭാ ഇരിങ്ങാലക്കുട മണ്ഡലം സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. കിസാൻ സഭാ മണ്ഡലം പ്രസിഡന്റ് എ.ജെ ബേബി അദ്ധ്യക്ഷത വഹിച്ചു. കിസാൻ സഭാ ജില്ലാ പ്രസിഡന്റ് കെ.കെ രാജേന്ദ്രബാബു, സിപിഐ മുതിർന്ന നേതാവ് കെ.ശ്രീകുമാർ, സി പി ഐ മണ്ഡലം സെക്രട്ടറി പി.മണി, ജില്ലാ കൗൺസിൽ അംഗം അനിതാ രാധാകൃഷ്ണൻ , എന്നിവർ സംസാരിച്ചു. എ.ആർ രാജീവ് സ്വാഗതവും കലേഷ് കുമാർ നന്ദിയും പറഞ്ഞു. പുതിയഭാരവാഹികളായി പ്രസിഡന്റ് ഒ.എസ് വേലായുധൻ , സെക്രട്ടറി എ.ജെ ബേബി, വൈസ് പ്രസിഡന്റ് : കലേഷ് കുമാർ , വി.കെ സരിത, ജോയിന്റ് സെക്രട്ടറി കെ.വി ഹജീഷ് എ.ആർ രാജീവ് എന്നിവരെ സമ്മേളനം തിരഞ്ഞെടുത്തു.
