കെട്ടിടത്തില്‍ നിന്ന് വീണ് മാള സ്വദേശിയായ നിര്‍മ്മാണ തൊഴിലാളിക്ക് ദാരുണാന്ത്യം…
ഇരിങ്ങാലക്കുട:കെട്ടിടനിര്‍മ്മാണത്തിനിടെ കെട്ടിടത്തില്‍ നിന്ന് വീണ് നിര്‍മ്മാണ തൊഴിലാളിക്ക് ദാരുണാന്ത്യം. മാള പൊയ്യ സ്വദേശി പഴയില്ലത്ത് വീട്ടില്‍ വിപിന്‍(46) ആണ് മരിച്ചത്. രാവിലെയാണ് ഇരിങ്ങാലക്കുട മാര്‍ക്കറ്റ് റോഡില്‍ കിഴക്കേപള്ളിയ്ക്ക് എതിര്‍വശത്തായി മണവാളന്‍ സ്മിജോയുടെ ഉടമസ്ഥതയിലുള്ള സ്ഥലത്ത് നടന്നുവന്നിരുന്ന കടമുറികളുടെ നിര്‍മ്മാണത്തിനിടെ ഒന്നാം നിലയുടെ മുകളില്‍ നിന്നും വിപിന്‍ താഴെയ്ക്ക് വീണത്. തെട്ടടുത്ത് ഉണ്ടായിരുന്ന മതിലില്‍ തല ഇടിച്ച് വീണ് ഗുരുതര പരിക്കേറ്റ വിപിനെ ഇരിങ്ങാലക്കുട സഹകരണ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. മൃതദേഹം കൊടുങ്ങല്ലൂര്‍ മോഡേണ്‍ ആശുപത്രിയില്‍. സംസ്‌കാരം പിന്നീട്. ഇരിങ്ങാലക്കുട പോലീസ് മേല്‍നടപടികള്‍ സ്വീകരിച്ചു. ഭാര്യ-നിഷ. മകള്‍-അഞ്ജന.
