ലയൺസ് ക്ലബ് എർപ്പെടുത്തിയ വിദ്യാശ്രേഷ്ഠ പുരസ്കാരങ്ങൾ വിതരണം ചെയ്തു..
ഇരിങ്ങാലക്കുട : ഇരിങ്ങാലക്കുട ലയൺസ് ക്ലബ്ബിന്റെ വിദ്യാനിധി പദ്ധതിയുടെ ഭാഗമായി ക്ലബ്ബിന്റെ ആദ്യ പ്രസിഡണ്ടും മുൻ ഡിസ്ട്രിക്റ്റ് ഗവർണ്ണറുമായ കെ.പി. ജോൺ കണ്ടംകുളത്തിയുടെ സ്മരണാർത്ഥം മികച്ച വിദ്യാർത്ഥികൾക്കായി എർപ്പെടുത്തിയ കെ.പി. ജോൺ വിദ്യാശ്രേഷ്ഠ പുരസ്കാരങ്ങൾ വിതരണം ചെയ്തു. ക്രൈസ്റ്റ് കോളേജ് ചവറ മെമ്മോറിയൽ സെമിനാർ ഹാളിൽ നടന്ന ചടങ്ങ് ലയൺസ് ഫസ്റ്റ് വൈസ് ഡിസ്ട്രിക്റ്റ് ഗവർണർ ജയിംസ് വളപ്പില ഉദ്ഘാടനം ചെയ്തു. ക്രൈസ്റ്റ് കോളേജ് ഒട്ടോണോമസ് സെക്കൻഡ് ഇയർ ഇക്കോണോമിക്സ് വിദ്യാർത്ഥി എച്ച് സ്നേഹക്കും ക്രൈസ്റ്റ് കോളേജ് എയ്ഡഡ് തേർഡ് ഇയർ മാത്തമാറ്റിക്സ് വിദ്യാർത്ഥി മെർവിൻ ഡെന്നിക്കുമാണ് പുരസ്കാരങ്ങളും ക്യാഷ് അവാർഡുകളും സമ്മാനിച്ചത്. ലയൺസ് ക്ലബ് പ്രസിഡണ്ട് അഡ്വ ജോൺ നിധിൻ തോമസ് അദ്ധ്യക്ഷത വഹിച്ചു.കോളേജ് പ്രിൻസിപ്പൽ ഫാ.ജോളി ആൻഡ്രൂസ് , കോളേജ് മാനേജർ ഫാ ജോയ് പീണിക്കപ്പറമ്പിൽ , കമ്മിറ്റി ചെയർമാൻ ജോൺ. കെ.ഫ്രാൻസീസ് , ക്ലബ് സെക്രട്ടറി അഡ്വ ബിജോയ് പോൾ, ട്രഷറർ അഡ്വ മനോജ് ഐബൻ എന്നിവർ സംസാരിച്ചു.
