സെക്രട്ടറിയില്ലാതെ ഇരിങ്ങാലക്കുട നഗരസഭ; നിയമനം ആവശ്യപ്പെട്ട് നഗരസഭ അധികൃതർ …
ഇരിങ്ങാലക്കുട : സെക്രട്ടറിയുടെ സേവനമില്ലാതെ ഇരിങ്ങാലക്കുട നഗരസഭ. നിലവിലെ സെക്രട്ടറി മുഹമ്മദ് അനസ് സ്ഥലം മാറി പോയതിനെ തുടർന്ന് കഴിഞ്ഞ വ്യാഴാഴ്ചയാണ് പുതിയ സെക്രട്ടറിയായി മലപ്പുറത്ത് നിന്ന് എത്തിയ ജയരാജ് ചുമതലയേറ്റത്. ചുമതലയേറ്റതിന് ശേഷം സെക്രട്ടറി ഓഫീസിൽ എത്തിയിട്ടില്ലെന്നും ഫോണിൽ ബന്ധപ്പെടാൻ കഴിയുന്നില്ലെന്നും നഗരസഭ അധികൃതർ പറയുന്നു. സെക്രട്ടറിയുടെ അസാന്നിധ്യവുമായി ബന്ധപ്പെട്ട് സർക്കാറിൽ നിന്നോ തദ്ദേശ വകുപ്പിൽ നിന്നോ ഔദ്യോഗികമായി വിവരം ഒന്നും ലഭിച്ചിട്ടുമില്ല. ഈ സാഹചര്യത്തിൽ പുതിയ സെക്രട്ടറിയുടെ സേവനം ലഭ്യമാക്കണമെന്ന് ആവശ്യപ്പെട്ട് സർക്കാറിലേക്കും ബന്ധപ്പെട്ട വകുപ്പിലേക്കും നഗരസഭ അധികൃതർ രേഖാമൂലം ആവശ്യപ്പെട്ടിട്ടുണ്ട്.
Please follow and like us:
